ജനങ്ങളെ വലച്ച് പെട്രോള് പമ്പ് സമരം; 1500 ഓളം പമ്പുകള് സമരത്തില്
Synopsis
കൊച്ചി: ഉപഭോക്താക്കളെ വലച്ച് പെട്രോള് പമ്പ് സമരം. ചുരുക്കം ചില പമ്പുകള് ഒഴിച്ചാല് സംസ്ഥാനത്തെ മിക്ക പെട്രോള് പമ്പുകളും അടച്ചിട്ടിരിക്കുകയാണ്. ഓള് കേരള ഫെഡറേഷന് ഓഫ് പെട്രോളിയം ട്രേഡേഴ്സിന്റെ കീഴിലുള്ള 1,500 ഓളം പെട്രോള് പമ്പുകളാണ് 24 മണിക്കൂര് സമരത്തില് പങ്കെടുക്കുന്നത്.
എണ്ണ കമ്പനികള് പമ്പുടമകള്ക്ക് നല്കുന്ന കമ്മീഷന് വര്ദ്ധിപ്പിക്കണമെന്ന് ആവശ്യപ്പെട്ടാണ് പമ്പുടമകളുടെ സമരം. സംസ്ഥാനത്തെ ഭൂരിപക്ഷം പമ്പുകളും ഇന്ന് 24 മണിക്കൂര് അടച്ചിടും. ഡീലര് കമ്മീഷന് വര്ദ്ധിപ്പിക്കുക, ബാഷ്പീകരണ നഷ്ടം തടയാന് നടപടി എടുക്കുക തുടങ്ങി വിവിധ ആവശ്യങ്ങള് ഉന്നയിച്ചാണ് പണിമുടക്ക്. കേരളത്തിന് പുറമേ തമിഴ്നാട്, കര്ണാടക തുടങ്ങി 9 സംസ്ഥാനങ്ങളും പുതുച്ചേരി, ദില്ലി തുടങ്ങിയ കേന്ദ്രഭരണ പ്രദേശങ്ങളിലെ ഒരു വിഭാഗം പമ്പുകളും സമരത്തിലുണ്ട്.
എണ്ണക്കമ്പനികളുടെ ഏകപക്ഷീയ നടപടികള്ക്ക് എതിരെയുള്ള പ്രതിഷേധ സമരങ്ങളുടെ ഭാഗമായി മെയ് പത്തിന് എകെഎഫ്പിറ്റി വഞ്ചന ദിനം ആചരിച്ചിരുന്നു. സംസ്ഥാനത്തെ 95% ഡീലര്മാരും എണ്ണ കന്പനിയില്നിന്ന് ഇന്ധനമെടുക്കാതെയായിരുന്നു പ്രതിഷേധം.
നാളത്തെ സമരത്തിലും എണ്ണക്കന്പനികള് അനുകൂല തീരുമാനം എടുത്തില്ലെങ്കില് എല്ലാ ഞായറാഴ്ചകളിലും പന്പുകള് അടയ്ക്കാനാണ് എകെഎഫ്പിറ്റിയുടെ ആലോചന. അതേസമയം കേരള സ്റ്റേറ്റ് പെട്രോളിയം ട്രേഡേഴ്സ് അസോസിയേഷന് സമരത്തില് പങ്കെടുക്കുന്നില്ല.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam