പെണ്‍കുട്ടിയെ കാണാനില്ലെന്ന പരാതി നല്‍കാനെത്തിയ കുടുംബാഗങ്ങള്‍ക്ക് പൊലീസിന്റെ അവഹേളനം

കൊച്ചി: പെൺകുട്ടിയെ കാണാനില്ലെന്ന് പരാതി നൽകാൻ പൊലീസ് സ്റ്റേഷനിൽ എത്തിയ കുടുംബത്തോട് പൊലീസ് മോശമായി പെരുമാറിയതായി പരാതി . പാലാരിവട്ടം എസ്ഐ വിപിൻ കുമാറിനെതിരെയാണ് പരാതി . രണ്ടുദിവസം മുമ്പാണ്  18കാരിയായ പെൺകുട്ടിയെ കാണാതായതായി പരാതി നൽകിയത് . പെൺകുട്ടിയെ ഇന്നലെ പൊലീസ് കണ്ടെത്തിയിരുന്നെങ്കിലും കോടതിയിൽ ഹാജരാക്കിയ ശേഷം പെൺകുട്ടിക്ക് പരിചയം ഉള്ള മറ്റൊരു സ്ത്രീക്ക് ഒപ്പം ആണ് പൊലീസ് അയച്ചത് . വിവരം അന്വേഷിക്കാൻ എത്തിയ മൂന്ന് യൂത്ത് കോൺഗ്രസ്‌ പ്രവർത്തകരെ കസ്റ്റഡിയിലെടുത്തതായും പരാതി .