മൂന്നാര്‍ സമരക്കാരെ ആശുപത്രിയിലേക്ക് മാറ്റാന്‍ ശ്രമം

കുമളി: മൂന്നാറില്‍ സമരം നടത്തുന്ന പൊമ്പിളൈ ഒരുമൈ സമരക്കാരെ ആശുപത്രിയിലേക്ക് മാറ്റാന്‍ പൊലീസ് ശ്രമം. എന്നാല്‍ ആശുപത്രിയിലേക്ക് പോകാന്‍ തയ്യാറല്ലെന്ന് സമരക്കാര്‍ വ്യക്തമാക്കി. സമരക്കാരുടെ ആരോഗ്യനില വഷളായിരിക്കുകയാണെന്ന് ഡോക്‌ടര്‍മാര്‍ അറിയിച്ചതോടെയാണ് പൊലീസ് എത്തിയത്. സമരം നാലാം ദിവസവും തുടരുകയാണ്. മണി മൂന്നാറിലെത്തി മാപ്പ് പറയാതെ പിന്നോട്ടില്ലെന്ന നിലപാടില്‍ ഉറച്ചുനില്ക്കുകയാണ് സമരക്കാര്‍. സമരത്തിന് പിന്തുണയുമായി പ്രതിപക്ഷ നേതാവ് രമേശ് ചെന്നിത്തല ഇന്ന് മൂന്നാറിലെത്തും. അതേസമയം, സമരം മൂന്നാറിലെ ടൂറിസം മേഖലയെ തകര്‍ക്കുന്നുവെന്നാരോപിച്ച് ജനകീയ സമിതിയുടെ നേതൃത്വത്തില്‍ കണ്‍വെന്‍ഷനും പ്രകടനവും നടത്തും. സമരം മൂലം കച്ചവടസ്ഥാപനങ്ങളില്‍ ആളില്ലാതായെന്നും ടാക്‌സി വാഹനങ്ങള്‍ക്ക് ഓട്ടമില്ലാതായെന്നുമാണ് ഇവരുടെ വാദം.