ഭാര്യാ സഹോദരനെ പ്രണയിച്ച് വിവാഹം ചെയ്തു; ഗര്‍ഭിണിയായ സഹോദരിയെ യുവാവ് വെടിവെച്ചു കൊന്നു

ഭാര്യാ സഹോദരനെ പ്രണയിച്ച് വിവാഹം ചെയ്തു സഹോദരിയെ സഹോദരന്‍ വെടിവെച്ചു കൊന്നു

സോ​ണി​പ​ത്: കുടുംബത്തിന്‍റെ എതിര്‍പ്പ് വകവയ്ക്കാതെ ഭാര്യാ സഹോദരനെ പ്രണയിച്ച് വിവാഹം ചെയ്തതിന് ഗര്‍ഭിണിയായ സഹോദരിയെ യുവാവ് വെടിവെച്ചു കൊലപ്പെടുത്തി. ഹ​രി​യാ​ന​യി​ലെ സോ​ണി​പ​തി​ൽ ആണ് ആ​റു മാ​സം ഗ​ർ​ഭി​ണി​യാ​യ നിക്കോയെന്ന യുവതിയെ സഹോദരന്‍ വിക്രം  വെ​ടി​വ​ച്ചു കൊ​ന്നത്. സോ​ണി​പ​തി​ലെ ലാ​തി​ലാ​ണ് സം​ഭ​വം. കഴുത്തിന് വെടിയേറ്റ നിക്കോയെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

കൊലപാതകത്തിന് ശേഷം വിക്രമും സംഘവും ജില്ല വിട്ടതായി പൊലീസ് പറഞ്ഞു. ഭാ​ര്യാ​സ​ഹോ​ദ​ര​നെ വി​വാ​ഹം ക​ഴി​ച്ച​തി​ലു​ള്ള വി​രോ​ധ​മാ​ണ് ഇയാളെ കൊലപാതകത്തിന് പ്രേരിപ്പിച്ചതെന്ന് പൊലാസ് പറഞ്ഞു. ചാ​പ്പാ​ർ സ്വ​ദേ​ശി​യാ​യ വി​ക്രം ലാ​തി​ൽ​നി​ന്നാ​ണ് വി​വാ​ഹം ചെ​യ്ത​ത്. വി​വാ​ഹ​ത്തി​നു ശേ​ഷം വി​ക്ര​മി​ന്‍റെ സ​ഹോ​ദ​രി നി​ക്കോ ഭാ​ര്യാ​സ​ഹോ​ദ​ര​ൻ ദീ​പ​ക്കു​മാ​യി പ്ര​ണ​യ​ത്തി​ലാ​വുകയായിരുന്നു. വി​ക്ര​മി​ന്‍റെ കു​ടും​ബം ഇ​വ​രു​ടെ ബ​ന്ധം  എ​തി​ർ​ത്തിട്ടും  വി​ല​ക്ക് വ​ക​വെ​യ്ക്കാ​തെ മൂ​ന്നു വ​ർ​ഷം മു​മ്പ് ദീ​പ​ക്കി​നെ നി​ക്കോ വി​വാ​ഹം ചെ​യ്തു.

ഇതെതുടര്‍ന്ന് വിക്രമും കുടുംബവും സഹോദരിയുമായി അകല്‍ച്ചയിലായിരുന്നു. വ്യാ​ഴാ​ഴ്ച വൈ​കു​ന്നേ​രം ലാ​തി​ലെ​ത്തി​യ വി​ക്ര​മും സു​ഹൃ​ത്തു​ക്ക​ളും വീട്ടില്‍ കയറി ഉ​റ​ങ്ങി​ക്കി​ട​ന്ന നി​ക്കോ​യു​ടെ ക​ഴു​ത്തില്‍ വെടിയുതിര്‍ക്കുകയായിരുന്നു. പ്രതികള്‍ക്കായി  പൊലീസ് അ​ന്വേ​ഷ​ണം ആ​രം​ഭി​ച്ചു.