കിട്ടിയ മധുരം കുട്ടിക്ക് നല്കിയ രാഹുല്; വീഡിയോ വൈറല്
Synopsis
എല്ലാ വിധ തയ്യാറെടുപ്പുകളുമായി രാഹുലും സംഘവും മധ്യപ്രദേശില് പോരാടുകയാണ്. തിരഞ്ഞെടുപ്പ് പ്രചാരണത്തിന്റെ തിരക്കിനിടയിലും ഐസ്ക്രീം കഴിക്കാന് ഇടവേള കണ്ടെത്തിയിരിക്കുകയാണ് രാഹുല്. ഇന്ഡോറിലെ പ്രശസ്തമായ ഐസ്ക്രീം ഷോപ്പിന് മുന്നില് കാത്തുനിന്നാണ് രാഹുല് ഐസ്ക്രീം വാങ്ങിയത്
ഭോപ്പാല്: വര്ഷങ്ങള്ക്കിപ്പുറം മധ്യപ്രദേശില് കൈപ്പത്തി വിരിയിച്ച് അധികാരത്തിലേറാനുള്ള ശ്രമത്തിലാണ് രാഹുല് ഗാന്ധിയും കോണ്ഗ്രസ് പാര്ട്ടിയും. എല്ലാ സാഹചര്യങ്ങളും അനുകൂലമെന്നാണ് കോണ്ഗ്രസ് വൃത്തങ്ങള് പറയുന്നത്. ബിജെപിയില് നിന്ന് മധ്യപ്രദേശ് പിടിച്ചെടുത്താല് രാഹുലിന് അത് പൊന്തുവലാകും.
എല്ലാ വിധ തയ്യാറെടുപ്പുകളുമായി രാഹുലും സംഘവും മധ്യപ്രദേശില് പോരാടുകയാണ്. തിരഞ്ഞെടുപ്പ് പ്രചാരണത്തിന്റെ തിരക്കിനിടയിലും ഐസ്ക്രീം കഴിക്കാന് ഇടവേള കണ്ടെത്തിയിരിക്കുകയാണ് രാഹുല്. ഇന്ഡോറിലെ പ്രശസ്തമായ ഐസ്ക്രീം ഷോപ്പിന് മുന്നില് കാത്തുനിന്നാണ് രാഹുല് ഐസ്ക്രീം വാങ്ങിയത്.
താന് വാങ്ങിയ ഐസ്ക്രീമിലേക്ക് കൊതിയോടെ നോക്കിയ കുട്ടിയ്ക്ക് സ്നേഹത്തോടെ അത് നല്കാന് കോണ്ഗ്രസ് അധ്യക്ഷന് മടികാട്ടിയില്ല. ജ്യോതിരാദിത്യ സിന്ധ്യയ്ക്കും കമല്നാഥിനുമൊപ്പം കറുത്ത ടീ ഷര്ട്ടുമിട്ട് ചുള്ളനായാണ് രാഹുല് ഐസ്ക്രീം കഴിക്കാന് എത്തിയത്. രാഹുലിന്റെ ഐസ്ക്രീം വീഡിയോ കോണ്ഗ്രസ് ഔദ്യോഗിക ട്വിറ്റര് പേജിലൂടെ പുറത്തുവിടുകയായിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Viral News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Latest Malayalam News എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam