അരവിന്ദ് കെജ്രിവാളിന്റെ വീട്ടില് ദില്ലി പൊലീസിന്റെ റെയ്ഡ്
Synopsis
ദില്ലി: ദില്ലി ചീഫ് സെക്രട്ടറിയെ എംഎല്എമാര് മര്ദ്ദിച്ച സംഭവത്തില് മുഖ്യമന്ത്രി അരവിന്ദ് കെജ്രിവാളിന്റെ വീട്ടില് പൊലീസ് റെയ്ഡ്. ദില്ലി പൊലീസാണ് റെയ്ഡ് നടത്തുന്നത്. സിസിടിവി ക്യാമറകള് പരിശോധിക്കുന്നു. അതേസമയം, ഈ ധൈര്യം ലോയ കേസില് അമിത് ഷായെ ചോദ്യം ചെയ്യുന്നതിലും വേണമെന്ന് കെജ്രിവാള് പ്രതികരിച്ചു.
അതേസമയം, സംഭവത്തില് അറസ്റ്റിലായ ആം ആദ്മി പാര്ട്ടി എംഎല്എമാരുടെ ജാമ്യഹര്ജി ദില്ലി തീസ് ഹസാരി കോടതി തളളി. അമാനത്തുളള ഖാന്, പ്രകാശ് ജര്വാള് എന്നിവരുടെ ജാമ്യഹര്ജിയാണ് തളളിയത്.
മുഖ്യമന്ത്രിയുടെ വസതിയില് യോഗത്തില് പങ്കെടുക്കവേ ആം ആദ്മി പാര്ട്ടി എം എല് എമാര് മര്ദ്ദിച്ചുവെന്നാണ് ചീഫ് സെക്രട്ടറി അന്ഷു പ്രകാശിന്റെ പരാതി. സര്ക്കാരിന്റെ ഒരു പരസ്യത്തിന് അനുമതി കൊടുക്കാത്തതാണ് കാരണമെന്നും അന്ഷു പ്രകാശ് ആരോപിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam