ഒരു നയവുമില്ലാത്ത നയപ്രഖ്യാപനമാണ് ഗവര്‍ണര്‍ അവതരിപ്പിച്ചതെന്ന് രമേശ് ചെന്നിത്തല

 ശുഷ്കരമായ നയപ്രഖ്യാപനമാണ് ഗവര്‍ണര്‍ നടത്തിയതെന്ന് പ്രതിപക്ഷ നേതാവ് രമേശ് ചെന്നിത്തല. പരിതാപകരമായ സര്‍ക്കാരിന്‍റെ നയപ്രഖ്യാപനമാണ് ഗവര്‍ണര്‍ നടത്തിയിട്ടുള്ളത്.

സാധാരണക്കാരായ ജനങ്ങളുടെ ജീവിത പ്രയാസങ്ങള്‍ പരിഹരിക്കാനോ കേരളത്തിന്‍‍‍റെ സമഗ്രമ പുരോഗതി ഉറപ്പാക്കാനുള്ള ഒരു പദ്ധതിയോ ഈ നയപ്രഖ്യാപനത്തില്‍ ഇല്ലെന്നും അദ്ദേഹം അഭിപ്രായപ്പെട്ടു.  
 നിയമസഭയുടെ സമ്പൂര്‍ണ്ണ ബജറ്റ് സമ്മേളനത്തിന് ഗവർണ്ണറുടെ നയപ്രഖ്യാപന പ്രസംഗത്തോടെ തുടക്കമായി. ഫെബ്രുവരി രണ്ടിനാണ് സംസ്ഥാന ബജറ്റ്. ബാനറുകളും പ്ലക്കാര്‍ഡുകളുമായി പ്രതിപക്ഷം സഭയിലെത്തി. ഭരണ സ്തംഭനം , വിലക്കയറ്റം , കൊലപാതകങ്ങൾ ഈ വിഷയങ്ങള്‍ ആയുധമാക്കിയാണ് പ്രതിഷേധം. സാമ്പത്തിക പ്രതിസന്ധികാലത്ത്  പുതിയ നയം എന്തായിരിക്കുമെന്നാണ് എല്ലാവരും ഉറ്റുനോക്കുന്നത്.