മൂന്ന് വയസുകാരിയെ പീഡിപ്പിച്ച ബന്ധുവായ 17 കാരന് പിടിയില്
Synopsis
കൊട്ടാരക്കര: പത്തനാപുരത്ത് മൂന്ന് വയസുകാരിയെ ലൈംഗികമായി പീഡിപ്പിച്ച ബന്ധുവായ 17 കാരനെ പൊലീസ് പിടികൂടി. പത്തനാപുരത്തിനടുത്ത് പിറവന്തൂരിലാണ് മൂന്ന് വയസ് മാത്രമുള്ള പെണ്കുഞ്ഞ് ലൈംഗികമായി ഉപദ്രവിക്കപ്പെട്ടത്. രണ്ട് ദിവസം മുമ്പ് പെണ്കുഞ്ഞിന്റെ വീട്ടിലെത്തിയതാണ് ബന്ധുവായ യുവാവ്. കുഞ്ഞിന്റെ അമ്മ കുളിക്കാന് പോയ തക്കം നോക്കി ഇയാള് കുഞ്ഞിനെ ഉപദ്രവിക്കുകയായിരുന്നു.
അമ്മ ഇത് കണ്ടതോടെ ഇയാള് വീട്ടില് നിന്ന് ഓടി രക്ഷപെട്ടു. തുടര്ന്ന് അമ്മ പൊലീസില് പരാതി നല്കി. ഇതോടെ ഇയാള് ഒളിവില് പോയി. തുടര്ന്ന് പൊലീസ് ഇയാളുടെ വീട്ടിലെത്തി വിവരം ധരിപ്പിച്ചതോടെ പതിനേഴുകാരന് കീഴടങ്ങുകയായിരുന്നു. ഇയാളുടെ മാതാപിതാക്കള് പരാതിക്കാരിയെ ഭീഷണിപ്പെടുത്തിയതായും ആരോപണമുണ്ട്. പതിനേഴുകാരനെ ജുവനൈല് ജസ്റ്റിസ് ബോര്ഡിന് മുന്പാകെ ഹാജരാക്കി. മൂന്ന് വയസുകാരി പുനലൂര് താലൂക്ക് ആശുപത്രിയില് ചികിത്സയിലാണ്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam