പാറശാലയില്‍ യുവാവ് അറുപതുകാരിയെ പീഡിപ്പിച്ചു

തിരുവനന്തപുരം: പാറശാലയില്‍ അറുപതുകാരിയെ  പീഡിപ്പിച്ചു , വൈദ്യപരിശോധനയില്‍ ലൈംഗിക പീഡനം സ്ഥിരീകരിച്ചതായി പൊലീസ് അറിയിച്ചു . അയല്‍വാസിയായ യുവാവിനെ കേന്ദ്രീകരിച്ചാണ് അന്വേഷണം.

പാറശാല വ്ലാത്താങ്കര സ്വദേശിനിയായ അറുപതുകാരിക്കാണ് ദുരനുഭവം . കഴിഞ്ഞ ഞായറാഴ്ച അര്‍ധരാത്രിയിലാണ് സംഭവം . മകളോടൊപ്പമാണ് അറുപതികാരിയുടെ താമനസം. ഞായറാഴ്ച മകള്‍ കുടുംബസമേതം പുറത്തുപോയി . ഈ സമയത്താണ് പീഡനം നടന്നത് . വീട്ടില്‍ അതിക്രമിച്ചു കയറിയ അയല്‍വാസിയായ യുവാവ് വൃദ്ധയായ സ്ത്രീയെ പീഡിപ്പിക്കുകയായിരുന്നു . ഇന്നലെ രാവിലെ വീട്ടിലെത്തിയ മകളോട് പീഡന വിവരം പറഞ്ഞതോടെ പരാതി നല്‍കുകയായിരുന്നു .

വൈദ്യപരിശോധനയില്‍ ലൈഗീക പീഡനം സ്ഥിരീകരിച്ചതോടെ പൊലീസ് കേസെടുത്ത് അന്വേഷണം തുടങ്ങി . അയല്‍വാസിയായ യുവാവ് ഒളിവിലാണ് . അതിനിടെ ഇന്നലെ രാത്രിയും യുവാവ് വീട്ടില്‍ അതിക്രമിച്ചു കയാറാന്‍ ശ്രമിച്ചതായി പരാതിയുണ്ട് .