ബലാല്സംഗ ശ്രമം ചെറുക്കുന്നതിനിടെ തലയ്ക്ക് അടിയേറ്റ് എം.എല്.എയുടെ സഹോദരി കൊല്ലപ്പെട്ടു.
Synopsis
പറ്റ്ന: ബീഹാറില് ബലാല്സംഗ ശ്രമം ചെറുക്കുന്നതിനിടെ തലയ്ക്ക് അടിയേറ്റ് ആര്.ജെ.ഡി.എം.എല്.എയുടെ സഹോദരി കൊല്ലപ്പെട്ടു. ഭോജ്പൂര് എം.എല്.എ സരോജ് യാദവിന്റെ ഏക സഹോദരി ശൈലി ദേവിയാണ് കൊല്ലപ്പെട്ടത്. ഇരുമ്പു വടി കൊണ്ട് തലയ്ക്ക് അടിയേറ്റാണ് മരണം.
ഡോക്ടറെ കണ്ട് മടങ്ങുന്നതിനിടെയാണ് കിശോപൂര് സ്വദേശിയായ ശൈലി ദേവിയെ ഓട്ടോറിക്ഷയില് എത്തിയ അഞ്ചാംഗ സംഘം ഓട്ടോയിലേക്ക് വലിച്ചു കയറ്റി ലൈംഗികമായി പീഡിപ്പിക്കാന് ശ്രമിച്ചത്. ഇത് ചെറുത്തുനിന്ന ഈ 40കാരിയെ സംഘം ഇരുമ്പു വടി കൊണ്ട് തലയ്ക്ക് അടിക്കുകയായിരുന്നു. ഇതിനു ശേഷം ഓട്ടോറിക്ഷയില്നിന്ന് ഇവരെ പുറത്തേക്ക് വലിച്ചെറിഞ്ഞ് സംഘം രക്ഷപ്പെട്ടു. റോഡരികില് ഗുരുതരാവസ്ഥയില് തെറിച്ചു വീണ ശൈലി ദേവി ആശുപത്രിയില് എത്തിക്കുന്നതിനിടെയാണ് മരിച്ചത്.
അപകട മരണമാണ് എന്നാണ് ആദ്യം കരുതിയതെന്ന് സരോജ് യാദവ് എം.എല്.എ പറഞ്ഞു. ബലാല്സംഗ ശ്രമത്തിനിടെയാണ് ആക്രമണം എന്ന് പിന്നീടാണ് അറിഞ്ഞതെന്നും അദ്ദേഹം അറിയിച്ചു.
സംഭവത്തില് രണ്ട് പേര് കീഴടങ്ങിയതായി പൊലീസ് അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam