345 യാത്രക്കാരുമായി വിദേശ വിമാനം ദില്ലിയില് അടിയന്തരമായി നിലത്തിറക്കി
Synopsis
ആറ് ഫയര് എഞ്ചിനുകളും നിരവധി ആംബുലന്സുകളും റണ്വേയില് തയ്യാറാക്കി നിര്ത്തിയിരുന്നെങ്കിലും അപകടമൊന്നും ഉണ്ടായില്ല.
ദില്ലി: 345 യാത്രക്കാരുമായി പറക്കുകയായിരുന്ന വിദേശ വിമാനം ദില്ലി അന്താരാഷ്ട്ര വിമാനത്താവളത്തില് അടിയന്തരമായി നിലത്തിറക്കി. വിയറ്റ്നാമില് നിന്ന് റഷ്യയിലേക്ക് പോവുകയായിരുന്ന RL 772 വിമാനമാണ് യാത്രയ്ക്കിടെ യന്ത്രത്തകരാര് കണ്ടെത്തിയതിനെ തുടര്ന്ന് അടിയന്തരമായി ദില്ലിയിലിറക്കിയത്. യാത്രക്കാരെല്ലാം സുരക്ഷിതരാണെന്ന് അധികൃതര് അറിയിച്ചു.
ശനിയാഴ്ച വൈകുന്നേരം ആറ് മണിയോടെയാണ് ദില്ലി ഇന്ദിരാഗാന്ധി അന്താരാഷ്ട്ര വിമാനത്താവളത്തില് അടിയന്തര സന്ദേശം ലഭിച്ചത്. ഉടന് അടിയന്തര ലാന്റിങിനായുള്ള ഒരുക്കങ്ങള് തുടങ്ങി. 6:10ന് 11-ാം നമ്പര് റണ്വേയില് സുരക്ഷിതമായി വിമാനം ഇറക്കി. ആറ് ഫയര് എഞ്ചിനുകളും നിരവധി ആംബുലന്സുകളും റണ്വേയില് തയ്യാറാക്കി നിര്ത്തിയിരുന്നെങ്കിലും അപകടമൊന്നും ഉണ്ടായില്ല.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam