സഹോദരവര്ഷം- നൃത്തം പരിശീലിപ്പിക്കാന് ടീസര് വീഡിയോ ഇറക്കി
Synopsis
കൊച്ചി: ചേറായിയില് നടക്കുന്ന സഹോദരവര്ഷം കൂടിച്ചേരലില് അവതരിപ്പിക്കുന്ന നൃത്തച്ചുവടുകള് പരിശീലിപ്പിക്കാന് ടീസര് വീഡിയോ പുറത്തിറക്കി. സഹോദരവര്ഷം കൂടിച്ചേരലിന്റെ മൂന്നാം ദിവസമായ ഒക്ടോബര് രണ്ടിനാണ് ആട്ടച്ചുവടുകള് എന്ന പേരില് നൃത്തം അരങ്ങേറുന്നത്. കലാപരിപാടികളോട് അനുബന്ധിച്ചാണ് നൃത്തം അരങ്ങേറുന്നത്. ഇതിന്റെ ചുവടുകള് ചിട്ടപ്പെടുത്തിയത് പ്രമുഖ കൊറിയോഗ്രാഫര് സജ്ന നജാം ആണ്. ഫാസിസത്തിനെതിരായ പ്രചരണ പരിപാടി എന്ന നിലയിലാണ് സഹോദര വര്ഷം കൂട്ടായ്മ സംഘടിപ്പിച്ചിരിക്കുന്നത്. ചെറായി ബീച്ചില് സെപ്റ്റംബര് 30 മുതല് ഒക്ടോബര് രണ്ടുവരെയാണ് പരിപാടി. മിശ്രഭോജനത്തില്നിന്ന് തുല്യനീതിയിലേക്ക് എന്ന മുദ്രാവാക്യം ഉയര്ത്തിയാണ് പരിപാടി സംഘടിപ്പിച്ചിരിക്കുന്നത്. സോണി സോറിയാണ് സഹോദരവര്ഷം കൂട്ടായ്മ ഉദ്ഘാടനം ചെയ്യുന്നത്. ധനമന്ത്രി ഡോ. ടി എം തോമസ് ഐസക്, സതീഷ് ദേശ്പാണ്ഡെ തുടങ്ങിയ പ്രമുഖര് വിവിധ വിഷയങ്ങളില് പ്രഭാഷണം നടത്തും.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam