കള്ളപ്പണം കടത്ത്: ശശികല ജയിലില്നിന്ന് കോടതിനടപടികളില് പങ്കെടുക്കും
Synopsis
ചെന്നൈ: വിദേശത്തേയ്ക്ക് കള്ളപ്പണം കടത്തിയ കേസില് കോടതിയില് വീഡിയോ കോണ്ഫറന്സിംഗ് വഴി ഹാജരാകാന് അണ്ണാ ഡി എം കെ അമ്മ പാര്ട്ടിയുടെ ജനറല് സെക്രട്ടറി ശശികല നടരാജന് എഗ്മൂര് കോടതിയുടെ അനുമതി. പരപ്പന അഗ്രഹാര ജയിലില് നിന്ന് വീഡിയോ കോണ്ഫറന്സിംഗ് വഴി കോടതി നടപടികളില് പങ്കെടുക്കാമെന്ന ശശികലയുടെ അപേക്ഷ കോടതി അംഗീകരിച്ചു. 1996ല് ജയ ടിവിയുടെ ആദ്യചാനലായ ജെ ജെ ടിവിയ്ക്കു വേണ്ടി വിദേശത്തു നിന്ന് ഉപകരണങ്ങള് വരുത്തിയതില് ക്രമക്കേടു കാണിച്ചെന്ന കേസിലാണ് കോടതി നടപടി. കേസില് ശശികലയ്ക്ക് പുറമേ ടിടിവി ദിനകരന്റെ സഹോദരനും നടനുമായ ടിടിവി ഭാസ്കരനും പ്രതിയാണ്. പ്രോസിക്യൂഷന് സാക്ഷികളെ മെയ് 10നും ശശികലയെ ഒരാഴ്ചയ്ക്കുള്ളില് വീഡിയോ കോണ്ഫറന്സിംഗ് വഴിയും കോടതി വിചാരണ ചെയ്യും.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam