സ്‌ത്രീകള്‍ക്ക് വസ്ത്രധാരണ സ്വാതന്ത്ര്യവുമായി സൗദിയിലെ പുതിയ ആഡംബര റിസോര്‍ട്ട്

കര്‍ശന നിയമങ്ങളുള്ള രാജ്യമാണ് സൗദി അറേബ്യ. സ്ത്രീകളുടെ വസ്ത്രധാരണത്തിലടക്കം പല പെരുമാറ്റച്ചട്ടങ്ങളും  സൗദിയില്‍ ഉണ്ട്. പ്രിന്‍സ് മൊഹെമ്മദ് ബിന്‍ സല്‍മാന്‍  പുതിയ  ആഡംബര റിസോര്‍ട്ടുകള്‍ പണികഴിപ്പിക്കാനുള്ള തീരുമാനത്തിലാണ്. സൗദിയുടെ വടക്ക് പടിഞ്ഞാറ് തീര ദേശത്താണ്  റെഡ് സീ റിസോര്‍ട്ട് പണികഴിപ്പിക്കുന്നത്. സ്ത്രീകള്ക്ക് ഇഷ്ടമുള്ള വസ്ത്രം ധരിക്കാമെന്നതാണ് റിസോര്‍ട്ടിന്‍റെ പ്രത്യേകത. 

ടൂറിസം രാജ്യത്ത് വളര്‍ത്തിക്കൊണ്ടുവരുന്നതിന്‍റെ ഭാഗമായിട്ടാണ് പുതിയ റിസോര്‍ട്ടിന്‍റെ നിര്‍മ്മാണം. സൗദിയെ ദുബായ് പോലെ  ഒരു ടൂറിസ്റ്റ് കേന്ദ്രമാക്കുക എന്നതാണ് ലക്ഷ്യം. ഈ ബീച്ചില്‍ സ്ത്രീകള്‍ക്ക് ബിക്കിനി ഇടാനും സാധിക്കും. പാരച്യൂട്ട്, ട്രക്കിങ്ങ് , മലകയറ്റം തുടങ്ങിയെല്ലാം റിസോര്‍ട്ട് ഏര്‍പ്പാട് ചെയ്ത് തരുന്നതാണ്. റിസോര്‍ട്ടിലെ ആഡംബര ഹോട്ടലുകളും, ദ്വീപുകളും, പൊയ്കകളും മാലിദ്വീപിന് സമാനമാണ്. ആഡംബരവും പ്രകൃതിയും ഇവിടെ ഒത്തുചേരുന്നു എന്ന് പറയാം. എല്ലാത്തരത്തിലുള്ള സഞ്ചാരികളെയും ഈ പുതിയ  റെഡ് സീ പ്രൊജക്ട് ആകര്‍ഷിക്കും. വസ്ത്രധാരണത്തിന്‍റെ കാര്യത്തില്‍ വലിയ കടുംപിടുത്തമില്ലാത്തതിനാല്‍ സ്ത്രീകളെയും റിസോര്‍ട്ട് ലക്ഷ്യമിടുന്നു എന്ന് വേണം മനസ്സിലാക്കാന്‍.