പറന്നുയര്ന്ന വിമാനം ആകാശചുഴിയില് പെട്ടു
Synopsis
ഷിക്കാഗോ: പറന്നുയര്ന്ന വിമാനം ആകാശചുഴിയില് പെട്ടു. വന് അപകടം ഒഴിവായത് തലനാരിഴയ്ക്ക്. തായ്വാനിലെ തായ്പേയില് നിന്നും യു എസിലെ ഷിക്കാഗോയിലേയ്ക്കു പോകുകയായിരുന്ന എയര് വിമാനത്തിലാണ് അപകടം സംഭവിച്ചത്. 13 മണിക്കൂര് ദൈര്ഘ്യമുള്ള യാത്ര വിമാനം ടേക്ക് ഓഫ് ചെയ്ത് ഒരു മണിക്കൂര് കഴിഞ്ഞപ്പോഴായിരുന്നു സംഭവം. വിമാനം ആകാശച്ചുഴിയില് വീഴുകയായിരുന്നു. ഇതോടെ വിമാനം ആടിയുലയാന് തുടങ്ങി.
യാത്രക്കാര് പരിഭ്രാന്തരായി. വിമാനത്തിനുള്ളിലെ വസ്തുകള് ചിന്നിച്ചിതറി വീണതിന്റെ ദൃശ്യങ്ങള് പുറത്തു വന്നിട്ടുണ്ട്. വിമാനം ഷിക്കാഗോയില് സുരക്ഷിതമായി ഇറങ്ങി. എന്നാല് 8 ജീവനക്കാരേയും 3 യാത്രക്കാരേയും ആശുപത്രിയിലേയ്ക്കു മാറ്റി. 178 യാത്രക്കാരും 21 ജീവനക്കാരുമായിരുന്നു വിമാനത്തില് ഉണ്ടായിരുന്നത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam