സ്നേഹസന്ദേശം; ഇര്മ്മ കടപുഴക്കിയ മരങ്ങള് മുറിച്ചുനീക്കി കന്യാസ്ത്രീ
Synopsis
മിയാമി: താണ്ഡവമാടിയ ഇര്മ ചുഴലിക്കാറ്റില് നിന്ന് കരകയറാനുള്ള ശ്രമത്തിലാണ് അമേരിക്കന് സംസ്ഥാനങ്ങള്. ചുഴലിക്കാറ്റ് തരിപ്പിണമാക്കിയ മിയാമിയില് റോഡില് നിലംപതിച്ച മരങ്ങള് മുറിച്ചുമാറ്റുന്ന കന്യാസ്ത്രീയുടെ ദൃശ്യം മിയാമി ഡെയ്ഡ് പൊലീസ് പുറത്തുവിട്ടു. ആര്ച്ച് ബിഷപ്പ് കോള്മാന് എഫ് കരോല് ഹൈസ്കൂളിലെ സിസ്റ്റര് മാര്ഗരറ്റ് ആനാണ് രക്ഷാപ്രവര്ത്തനത്തിലൂടെ മാതൃകയായത്.
സിസ്റ്ററിന്റെ പ്രവര്ത്തനത്തെ അഭിനന്ദിക്കാനും രക്ഷാപ്രവര്ത്തനങ്ങള്ക്ക് നേതൃത്വം നല്കുന്ന മിയാമി പൊലിസ് മറന്നില്ല. അമേരിക്കയുടെ വിവിധഭാഗങ്ങളില് രക്ഷാപ്രവര്ത്തനത്തിനായി ഒന്നിച്ചവര് തങ്ങള് ഒരു ജനതയാണെന്ന് ഓര്മ്മിപ്പിച്ചതായും മിയാമി ഡെയ്ഡ് പൊലിസ് ഇതിനൊപ്പം ട്വീറ്റ് ചെയ്തു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam