പാത്രം പോലുമറിയാതെ അത്ര മനോഹരമായാണ് ഈ പാമ്പ് വെള്ളം കുടിക്കുന്നത്

ടെക്സസ്:  വെള്ളം നിറച്ച് വച്ചിരിക്കുന്ന പാത്രത്തിന് പോലും അറിയാതെയുള്ള പാമ്പിന്റെ വെള്ളം കുടി ദൃശ്യങ്ങള്‍ വൈറലാകുന്നു. ടെക്സാസ് സ്വദേശി ടെയ്ലര്‍ നിക്കോള്‍ ഡീനിന്റെ വളര്‍ത്തുമൃഗമായ പാമ്പാണ് ഇന്റര്‍നെറ്റിനെ മോഹിപ്പിച്ച പാമ്പ്. സീലിയ എന്നാണ് ഈ പാമ്പിന്റെ പേര്. പതിനാല് സെക്കന്റുള്ള വീഡിയോ ചുരുങ്ങിയ സമയം കൊണ്ട് അരലക്ഷത്തിലധികം പേരാണ് കണ്ടിരിക്കുന്നത്. വിഷമില്ലാത്ത ഇനത്തില്‍പെട്ടതാണ് സീലിയ.

വെള്ളയില്‍ ഓറഞ്ച് നിറമുള്ള സീലിയയുടെ വെള്ളം കുടി ദൃശ്യങ്ങള്‍ മറുപടിയായി തങ്ങളുടെ വളര്‍ത്ത് പാമ്പുകളുടെ രസകരമായ വീഡിയോ പങ്ക് വക്കുന്നവരും ഉണ്ട്. മനുഷ്യന്‍ കുടിക്കുന്നത് പോലെ അത്ര എളുപ്പമല്ല പാമ്പുകള്‍ക്ക് പാത്രത്തില്‍ നിന്ന് വെള്ളം കുടിയ്ക്കാന്‍.