കശ്മീരില് വീണ്ടും ഭീകരാക്രമണം; പൊലീസുകാരനുള്പ്പെടെ രണ്ട് പേര്ക്ക് പരിക്ക്
Synopsis
ജമ്മുകശ്മീരിൽ വീണ്ടും ഭീകരാക്രമണം ശ്രീനഗറിലെ സഫകാടൽ മേഖലയിലെ പൊലീസ് സ്റ്റേഷന് ഭീകരര് ഗ്രനേഡ് എറിഞ്ഞു. ഒരു പൊലീസുകാരനും ഒരു നാട്ടുകാരനും പരിക്കേറ്റു. മേഖല സൈന്യം വളഞ്ഞിരിക്കുകയാണ്. കേന്ദ്ര ധനമന്ത്രി അരുൺ ജെയ്റ്റ്ലിയും സംസ്ഥാന ധനമന്ത്രി തോമസ് ഐസക്കും അടക്കമുള്ളവര് പങ്കെടുത്ത ജി.എസ്.ടി കൗൺസിൽ യോഗം നടന്ന ഷെര്-ഇ കശ്മീര് കോൺഫറൻസ് സെന്ററിന് 10 കിലോമീറ്റര് അകലെയാണ് ഭീകരാക്രമണമുണ്ടായത്. പൊലീസ് സ്റ്റേഷന് കോമ്പൗണ്ടിലേക്ക് ഭീകരര് എറിഞ്ഞ ഗ്രനേഡ് സ്റ്റേഷന് മുന്നില് വെച്ച് പൊട്ടുകയായിരുന്നു. സ്പെഷ്യല് പൊലീസ് ഓഫീസര് സാമിര് അഹ്മദിനാണ് പരിക്കേറ്റത്. അദ്ദേഹത്തെ ഉടനെ പൊലീസ് കണ്ട്രോള് റൂം ആശുപത്രിയിലേക്ക് മാറ്റി. ഇയാളുടെ നില തൃപ്തികരമാണെന്ന് അധികൃതര് അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam