കഞ്ചാവ്​ വലിക്കാൻ കുട്ടികളെ പ്രേരിപ്പിച്ച അധ്യാപിക അറസ്​റ്റിൽ

കുട്ടികൾക്ക്​ നല്ല ശീലങ്ങൾ പഠിപ്പിച്ചുകൊടുക്കുന്നവർ കൂടിയാണ്​ അധ്യാപകർ. എന്നാൽ കുട്ടികളെ കഞ്ചാവ്​ വലിക്കാൻ പ്രോൽസാഹിപ്പിക്കുന്ന അധ്യാപകരെ കുറിച്ച്​ ചിന്തിക്കാൻ കഴിയുമോ? ഇംഗ്ലണ്ടിലെ ന്യൂഹാംഷെയർ പൊലീസ്​ കേസെടുത്ത്​ അധ്യാപികയെ അറസ്റ്റ് ചെയ്തു.

കഞ്ചാവ്​ വലിക്കാൻ പ്രേരിപ്പിക്കുക മാത്രമല്ല,  പുകവലിക്കാൻ ആവശ്യമായ ഉപകരണങ്ങളും അധ്യാപിക കുട്ടികൾക്ക്​ നൽകിയിട്ടുണ്ട്​. ഇരുപതുകാരിയായ എലിഷ മെഹർ എന്ന അധ്യാപികക്കെതിരെ കുട്ടികളുടെ ​ക്ഷേമം അപകടപ്പെടുത്തിയത്​ ഉൾപ്പെടെയുള്ള വകുപ്പുകൾ പ്രകാരമാണ്​ കേസെടുത്തത്​.

സ്​കൂളിൽ പകരക്കാരിയായി വന്ന മുൻ അധ്യാപികയാണ്​ ഇവർ. അധ്യാപികയായിരിക്കെ പഠനം കഴിഞ്ഞാൽ കുട്ടികളെ പുകവലിക്കാൻ ക്ഷണിക്കുന്ന എലിഷ അവർക്ക്​ അതിനുള്ള ഉപകരണങ്ങൾ കൈമാറുകയും ചെയ്​തു.