അന്ധ വിദ്യാലയത്തില് ആറാം ക്ലാസുകാരിയെ അധ്യാപകന് പീഡിപ്പിച്ചു
Synopsis
കോഴിക്കോട്: കോഴിക്കോട് കൊളത്തറ അന്ധ വിദ്യാലയത്തില് വിദ്യാര്ത്ഥിനിയെ അധ്യാപകന് പീഡിപ്പിച്ചതായി പരാതി. സ്ക്കൂള് അധികൃതരാണ് നല്ലളം പൊലീസില് പരാതി നല്കിയത്. കുട്ടിയുടെ മൊഴിയുടെ അടിസ്ഥാനത്തില് അധ്യാപകനെതിരെ പോക്സോ നിയമ പ്രകാരം കേസ് എടുത്തു.
കൊളത്തറ അന്ധ വിദ്യാലയത്തിലെ ആറാം ക്ലാസ് വിദ്യാര്ത്ഥിനിയെ അധ്യാപകനായ ഫിറോസ് പീഡിപ്പിച്ചുവെന്നാണ് പരാതി. സ്ക്കൂള് അധികൃതരാണ് നല്ലളം പൊലീസില് ആദ്യം പരാതി നല്കിയത്. പിന്നീട് കുട്ടിയുടെ രക്ഷിതാക്കളും പരാതി നല്കി. ക്ലാസ് മുറിയില് നിന്ന് മറ്റ് ഒരു സ്ഥലത്തേക്ക് കൂട്ടിക്കൊണ്ട് പോയി പീഡനത്തിനിരയാക്കിയെന്നാണ് പെണ്കുട്ടി പൊലീസില് മൊഴി നല്കിയിരിക്കുന്നത്.
വിദ്യാര്ത്ഥിനി സ്ക്കൂളിലെ ഹോസ്റ്റല് അന്തേവാസിയാണ്. സംഭവം സ്ക്കൂള് അധികൃതര് കുട്ടിയുടെ വീട്ടില് അറിയിച്ചതിനെ തുടര്ന്ന് രക്ഷിതാക്കളെത്തി വീട്ടിലേക്ക് കൂട്ടി കൊണ്ട് പോയി. അധ്യാപകനെതിരെ നല്ലളം പൊലീസാണ് പോക്സോ നിയമപ്രകാരം കേസ് രജിസ്റ്റര് ചെയ്തത്. പരാതി ലഭിച്ച് മൂന്ന് ദിവസത്തിന് ശേഷവും പ്രതിയെ അറസ്റ്റ് ചെയ്യാത്തത് പൊലീസിന്റെ ഭാഗത്ത് നിന്നുള്ള അനാസ്ഥയാണെന്ന് ആരോപണമുണ്ട്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam