വെഞ്ഞാറമൂട്ടിൽ  ബൈക്കുകൾ കൂട്ടിയിടിച്ച് യുവാവ് മരിച്ചു

നേതാജിപുരം സ്വദേശി സഞ്ചുവാണ് മരിച്ചത്

തിരുവനന്തപുരം: വെഞ്ഞാറമൂട്ടിൽ  ബൈക്കുകൾ തമ്മിൽ കൂട്ടിയിടിച്ചു യുവാവ് മരിച്ചു. നേതാജിപുരം സ്വദേശി സഞ്ചുവാണ് മരിച്ചത്.  ആനാകുടി സ്വദേശി അരുണിനെ ഗുരുതര പരിക്കുകളോടെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്ന് രാവിലെ 9 മണിയോടെ തൈക്കാട് സമന്വയ നഗറിൽ ആയിരുന്നു അപകടം. അമിത വേഗതയിൽ എതിർ ദിശയിൽ വരുകയായിരുന്ന ബൈക്കുകൾ തമ്മിൽ കൂട്ടിയിടിയ്ക്കുകയായിരുന്നു. തുടർന്ന് നാട്ടുകാർ ചേർന്ന് പരിക്കേറ്റവരെ സ്വകാര്യ ആശുപത്രിയിൽ എത്തിച്ചേങ്കിലും സഞ്ചുവിന്റെ ജീവൻ രക്ഷിക്കാനായില്ല.