ഉപ്പയുടെ കിടയ്ക്കക്കരികില് അവര് ഒന്നിച്ചു; രാജ്യാതിര്ത്തികളെ മാനിക്കാതെ, പ്രണയത്തിനായി...
Synopsis
ഓക്സിജന് സിലിണ്ടറിന്റെ സഹായത്തോടെ പിതാവ് ഷഹദത്ത് ഇരുവരെയും അനുഗ്രഹിച്ചു.
ദുബായി: ദുബായിലെ ആശുപത്രിയില് ബംഗ്ലാദേശുകാരനും പാക്കിസ്ഥാന്കാരിക്കും പ്രണയ സാഫല്യം. വരന്റെ പിതാവ് ചികിത്സയിലായതിനാലാണ് വിവാഹം ആശുപത്രിയിൽ നടത്തിയത്. ദുബായി മന്ഖൂതലിലെ ആസ്റ്റര് ആശുപത്രിയാണ് കഴിഞ്ഞദിവസം പ്രണയ സാഫല്യത്തിന് വേദിയായത്. വിവാഹ ദിവസം വരന്റെ അച്ഛന് അസുഖം ബാധിച്ച് ചികിത്സയിലായതോടെ ബംഗ്ലാദേശുകാരനായ റിബത്തും പാകിസ്ഥാന്കാരിയായ വധു സനായും മുഹൂർത്തം തെറ്റിക്കാതെ ആശുപത്രിയിലേക്ക് പറന്നെത്തി. തുടർന്ന് ദുബായി ഇമാംമിന്റെ നേതൃത്വത്തില് മതാചാര പ്രകാരം നിക്കാഹ് നടന്നു.
ലളിതവും ഗംഭീരവുമായ ചടങ്ങിന് ആശുപത്രി അധികരും വേദിയൊരുക്കി. വധൂവരന്മാരുടെ മാതാപിതാക്കളും ഡോക്ടർമാരും നഴ്സുമാരും അടുത്ത ബന്ധുക്കളും സാക്ഷികളായി. ഓക്സിജന് സിലിണ്ടറിന്റെ സഹായത്തോടെ വരന്റെ പിതാവ് ഷഹദത്ത് ഇരുവരെയും അനുഗ്രഹിച്ചു. കാനഡയിലെ ടൊറാന്റോയിൽ ഈ മാസം 16 ന് ദമ്പതികൾ 200 പേർ പങ്കെടുക്കുന്ന സല്കാമരമൊരുക്കിയിട്ടുണ്ട്. കാനഡയിലെ യൂണിവേഴ്സിറ്റിയിൽ പഠിക്കുമ്പോഴാണ് ഇരുവരും പ്രണയത്തിലാവുന്നത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam