തുടിക്കുമീ സിലിക്കൺ നിർമിത ത്രിഡി ഹൃദയം

തകരാറിലാകുന്ന ഹൃദയത്തി​ൻ്റെ സ്​ഥാനത്ത്​ കൃത്രിമഹൃദയം വെച്ചുപിടിപ്പിക്കുന്ന കാലം വിദൂരമല്ല. സിറ്റ്​സ്വർലാൻ്റിലെ ഒരു കൂട്ടം ഗവേഷകരാണ് ഇൗ നേട്ടത്തോട്​ അടുക്കുന്ന കണ്ടുപിടുത്തം നടത്തിയത്​.  മനുഷ്യ ഹൃദയത്തെ പോലെ തുടിക്കുന്ന ത്രിഡി ഹൃദയത്തെ സിലിക്കൺ കൊണ്ടാണ് ഇവർ  നിർമ്മിച്ചിരിക്കുന്നത്.  

വലത് വെൻട്രിക്കിളും ഇടത് വെൻട്രിക്കിളും ഹൃദയ അറയും എന്നുവേണ്ട മനുഷ്യ ഹൃദയത്തിലെ എല്ലാ ഘടകങ്ങളോടു കൂടിയാണ് ഈ കൃത്യമ ഹൃദയം നിർമ്മിച്ചിരിക്കുന്നത്. സമ്മർദമുള്ള വായുവിനെ സ്വീകരിക്കാനും പുറംതള്ളാനുമുള്ള കഴിവും ഇൗ  ഹൃദയത്തിനുണ്ട്​. എന്നാൽ മൂവായിരം ഹൃദമിടിപ്പും 45 മിനിറ്റും മാത്രമാണ്​ കൃത്രിമ ഹൃദയത്തിനുള്ളത്​. ഹൃദയവാൽവ്​ ഉൾപ്പെടെയുള്ള കൃത്രിമ അവയവങ്ങൾ വികസിപ്പിച്ചെടുത്ത ആരോഗ്യമേഖലയിൽ പുതിയ സിലിക്കൺ നിർമിത ഹൃദയം പുതിയ പ്രതീക്ഷ നൽകുന്ന കണ്ടുപിടുത്തമാണെന്നാണ്​ വൈദ്യ ശാസ്​ത്രലോകത്തി​െൻറ വിലയിരുത്തൽ. 

ഹൃദയംമാറ്റിവെക്കൽ ശസ്​ത്രക്രിയക്ക്​ പകരം വെക്കാനാകുന്ന ചികിത്സാരീതിയുടെ അടുത്തെത്താൻ കഴിയുന്നതാണ്​ കണ്ടുപിടുത്തമെന്നാണ്​ വിലയിരുത്തൽ. സ്വിറ്റ്സർലാൻ്റിലെ ഇ.ടി.എച്ച്​ സൂറിച്ചിലെ ഗ​വേഷകരാണ്​ ശ്രദ്ധേയ കണ്ടുപിടുത്തത്തിന്​ പിന്നിൽ. സിലിക്കൺ നിർമിത ഹൃദയത്തി​ൻ്റെ പ്രവർത്തനം കൂടുതൽ മെച്ചപ്പെടുത്താനുള്ള ശ്രമത്തിലാണ്​ ഗവേഷക സംഘം. രോഗിക്ക്​ അനുസൃതമായ പൂർണമായും കൃത്രിമഹൃദയം നിർമിക്കൽ ആണ്​ തങ്ങളുടെ ലക്ഷ്യമെന്ന്​ ഗവേഷണ സംഘാംഗം നിക്കോളാസ്​ കോസ്​ പറഞ്ഞു.