
കൊച്ചി: ബിജെപിയുമായുള്ള പ്രശ്നങ്ങൾ പരിഹരിക്കപ്പെട്ടാൽ മാത്രമേ ചെങ്ങന്നൂരിൽ ബിഡിജെഎസ് പ്രചാരണത്തിന് ഇറങ്ങുകയൊള്ളുവെന്ന് ബിഡിജെഎസ് അധ്യക്ഷന് തുഷാര് വെള്ളാപ്പള്ളി. വരുന്ന ദിവസങ്ങളിൽ പ്രശ്നപരിഹാരത്തിന് സാധ്യതയുണ്ട്.
ഇതിന് ശേഷം പ്രചാരണത്തിനിറങ്ങും. നേതൃത്വത്തിനുള്ള അതൃപ്തി അണികൾക്കുമുണ്ടാകും. ഇത് എൻഡിഎയുടെ വോട്ടിനെ ബാധിച്ചേക്കാമെന്നും തുഷാര് പറഞ്ഞു.
അതേസമയം എസ്എൻഡിപി കൗൺസിൽ യോഗം ചേർത്തലയിൽ നടക്കുകയാണ്. ജനറൽ സെക്രട്ടറി വെള്ളാപ്പള്ളി നടേശൻ ഉൾപ്പടെയുള്ള അംഗങ്ങൾ യോഗത്തില് പങ്കെടുക്കുന്നുണ്ട്. ചെങ്ങന്നൂർ ഉപതെരഞ്ഞെടുപ്പിൽ സ്വീകരിക്കേണ്ട രാഷ്ട്രീയ നിലപാട് യോഗത്തില് ചർച്ചയാകും. നേരത്തെ എൽഡിഎഫ് സ്ഥാനാർത്ഥി സജി ചെറിയാന് മുൻതൂക്കമുണ്ടെന്ന് വെള്ളാപ്പള്ളി നടേശൻ അഭിപ്രായപ്പെട്ടിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam