മോദിയും ട്രംപും ഫോണില്‍ സംസാരിച്ചു

പ്രധാനമന്ത്രി നരേന്ദ്ര മോദിയുമായി അമേരിക്കൻ പ്രസിഡന്റ് ഡോണൾഡ് ട്രംപ് ടെലഫോണിൽ സംസാരിച്ചു. ഇന്നലെ രാത്രി 11.30 ന് ആയിരുന്നു രാഷ്ട്രനേതാക്കളുടെ സംഭാഷണം. വാണിജ്യം , പ്രതിരോധം, എച്ച് 1 ബി വിസ തുടങ്ങിയ കാര്യങ്ങൾ ചര്‍ച്ചയായി എന്നാണ് കരുതുന്നത്.

അമേരിക്കന്‍ പ്രസിഡന്റായി അധികാരമേറ്റശേഷം ട്രംപ് വിളിക്കുന്ന അ‍ഞ്ചാമത്തെ രാഷ്ട്രത്തലവനാണ് മോദി.  നേരത്തെ കാനഡ, ഇസ്രായേൽ, മെക്സിക്കോ, ഈജിപ്ത് എന്നീ രാഷ്ട്രങ്ങളുടെ തലവന്മാരുമായി ട്രംപ് സംസാരിച്ചിരുന്നു.