ഖത്തര് പ്രതിസന്ധി പരിഹരിക്കാന് തുര്ക്ക് പ്രസിഡന്റ് ഇടപെടുന്നു
Synopsis
കുവൈത്ത് സിറ്റി: ഖത്തര് പ്രതിസന്ധി പരിഹരിക്കുന്നതിന്റെ ഭാഗമായി തുര്ക്കി പ്രസിഡന്റ് റജബ് ത്വയ്യിബ് ഉര്ദുഗാന് കുവൈത്തിലെത്തി അമീര് ശൈഖ് സബാഹ് അല് അഹ്മദ് അല് ജാബിര് അസ്സബാഹും ചര്ച്ച നടത്തി. ഞായറാഴ്ച രാത്രിയായിരുന്നു കൂടിക്കാഴ്ച.
ഖത്തറുമായുള്ള നയതന്ത്ര ബന്ധം വിച്ഛേദിച്ചപ്പോള് പ്രശ്ന പരിഹാരത്തിന് അമീര് കൈകൊണ്ട മധ്യസ്ഥ നിലപാടിനെ ഉര്ദുഗാന് പ്രശംസിച്ചു. അമീറിന്റെ മധ്യസ്ഥ ശ്രമങ്ങള് പ്രതിസന്ധി കൂടുതല് രൂക്ഷമാവാതിരിക്കാന് ഇടയാക്കിയതായി അദ്ദേഹം അഭിപ്രായപ്പെട്ടു. പ്രതിസന്ധി ഘട്ടത്തില് സമാധാനത്തിന്റെ ദൂതുമായി അയല് രാജ്യങ്ങളില് തുടര്ച്ചയായി പര്യടനം നടത്തിയ അമീര് ഇക്കാര്യത്തില് ലോകത്തിന് മാതൃകയാണന്ന് ഉര്ദ്ദുഗാന് പറഞ്ഞു. പ്രധാനമന്ത്രി ശൈഖ് ജാബിര് അല് മുബാറക് അല് ഹമദ് അസ്സബാഹ്, പാര്ലമെന്റ് സ്പീക്കര് മര്സൂഖ് അല് ഗാനിം, മന്ത്രിമാര് തുടങ്ങിയ പ്രമുഖരുടെയും സാന്നിധ്യത്തിലായിരുന്നു കൂടിക്കാഴ്ച.
ജി സി സി പര്യടനത്തിന്റെ ഭാഗമായി ഞായറാഴ്ച ആദ്യം സൗദിയിലെത്തിയ ഉര്ദുഗാന് സല്മാന് രാജാവുമായി കൂടിക്കാഴ്ച നടത്തിയ ശേഷം രാത്രിയാണ് കുവൈത്തിലെത്തിയത്. അമീറുമായുള്ള ചര്ച്ചക്ക് ശേഷം ഉര്ദുഗാന് ഖത്തറിലേക്കാണ് പോയത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam