അമ്മാവൻ്റെ പീഡനത്തിൽ 10 വയസുകാരി ഗർഭിണിയായ കേസ്​; ഡോക്​ടർമാരിൽ നിന്നും അധ്യാപകനിൽ നിന്നും മൊഴിയെടുത്തു

ചാണ്ഡിഗഢ്​ : അമ്മാവൻ ​ലൈംഗികമായി പീഡിപ്പിച്ച്​ പത്ത്​ വയസുകാരി ഗർഭിണിയായ കേസിൽ ഡോക്​ടർമാരിൽ നിന്നും സ്​കൂൾ ടീച്ചറിൽ നിന്നും ഹെഡ്​കോൺസ്​റ്റബിളിൽ നിന്നും ചാണ്ഡിഗഢ്​ പൊലീസ്​ മൊഴിയെടുത്തു. അൾട്രാസൗണ്ട്​ സ്​കാനിങ്​ നടത്തി കുട്ടിയുടെ ഗർഭധാരണം സ്​ഥിരീകരിച്ച ഡോ. കരൺ സിങ്​, കുട്ടിയെ പ്രാഥമികഘട്ടത്തിൽ പരിശോധിച്ച മെഡിക്കൽ ബോർഡിലെ അംഗം കൂടിയായ ഗവ. മെഡിക്കൽ കോളജ്​ ആശുപത്രിയിലെ ഡോ. സമീന എന്നിവരിൽ നിന്നാണ്​ മൊഴിയെടുത്തത്​. കേസ്​ എല്ലാദിവസം ജില്ലാ കോടതി കേൾക്കുന്നുണ്ട്​. ഇരയായ പെൺകുട്ടിയുടെ സ്​കൂൾ ടീച്ചർ കോടതിയിൽ ഹാജരാവുകയും കുട്ടിയുടെ ജനന തീയതി തെളിയിക്കുന്ന രേഖ സമർപ്പിക്കുകയും ചെയ്​തിട്ടുണ്ട്​.

കുറ്റകൃത്യം നടന്ന സ്​ഥലത്തിൻ്റെ മാപ്പ്​ തയാറാക്കാിയ ഹെഡ്​കോൺസ്​റ്റബിൾ റഷ്​പാൽ സിങി​ൻ്റെ മൊഴിയും കോടതി രേഖപ്പെടുത്തി. പ്രോസിക്യൂഷന്​ വേണ്ടി നാല്​ സാക്ഷികളാണ്​ കോടതിയിൽ ഹാജരായത്​. ഇരയുടെയും അമ്മയുടെയും മൊഴി വ്യാഴാഴ്​ച കോടതി രേഖപ്പെടുത്തിയിരുന്നു. ചൈൽഡ്​ വിറ്റ്​നസ്​ കോടതിയിലാണ്​ ഇരയുടെ മൊഴി രേഖപ്പെടുത്തിയത്​. ക്രിമിനൽ നടപടി ചട്ടം 164 പ്രകാരമുള്ള ​മൊഴിയാണ്​ ഇരയായ കുട്ടിയിൽ നിന്ന്​ കോടതി രേഖപ്പെടുത്തിയത്​.  

കുട്ടി തന്നെ പീഡിപ്പിച്ച കുൽ ബഹാദൂറിനെ വീഡിയോ കോൺഫറൻസിങിലൂടെ തിരിച്ചറിയുകയും ചെയ്​തിട്ടുണ്ട്​. ബലാത്സംഗത്തിന്​ 376ാം വകുപ്പ്​ പ്രകാരവും കുട്ടികൾക്കെതിരെയുള്ള ലൈംഗിക അതിക്രമം തടയാനുള്ള പോക്​സോ നിയമം ചട്ടം നാല്​ പ്രകാരവുമാണ്​ പ്രതിക്കെതിരെ കേസ്​ ചുമത്തിയിരിക്കുന്നത്​.  

കഴിഞ്ഞ ആഗസ്​റ്റ്​ 17ന്​ ​ഇരയായ കുട്ടി ഗവ. മെഡിക്കൽ കോളജിൽ പെൺകുഞ്ഞിന്​ ജന്മം നൽകിയിരുന്നു. കേസിൽ പിടിയിലായ കുട്ടിയുടെ അമ്മാവൻ ജയിലിൽ ആണ്​. ​കേസിൽ സെപ്​റ്റംബർ പകുതിയോടെ ഉത്തരവ്​ വന്നേക്കുമെന്ന്​ പൊലീസ്​ കേന്ദ്രങ്ങൾ അറിയിച്ചു.