തലശേരിയില് കുഴല്പ്പണവുമായി രണ്ടുപേര് പിടിയില്
Synopsis
തലശ്ശേരിയില് മൂന്നേകാല് കോടിയുടെ കുഴല്പ്പണവുമായി രണ്ട് പേര് പൊലീസ് പിടിയിലായി. റെയില്വേ സ്റ്റേഷന് പരിസരത്ത് നിന്നാണ് കോഴിക്കോട് കൊടുവള്ളി സ്വദേശികളായ ഇക്ബാല്, മുഹമ്മദ് ഷാലിക്ക് എന്നിവരെ പൊലീസും ആര്പിഎഫും ചേര്ന്ന് പിടികൂടിയത്.
രാവിലെ ഒമ്പതരയോടെ തലശ്ശേരി റെയില്വേ സ്റ്റേഷന് പരിസരത്ത് നിന്നാണ് കൊടുവള്ളി സ്വദേശികളായ ഇക്ബാല്, മുഹമ്മദ് ഷാലിക്ക് എന്നിവര് കുഴല്പ്പണവുമായി പിടിയിലാകുന്നത്. ആര്പിഎഫിന് കിട്ടിയ രഹസ്യവിവരത്തിന്റെ അടിസ്ഥാനത്തില് പൊലീസുമായി ചേര്ന്ന് നടത്തിയ സംയുക്ത നീക്കത്തിലാണ് സംഘത്തെ പിടികൂടാന് കഴിഞ്ഞത്. മൂന്ന് ബാഗുകളിലായി മൂന്നേകാല് കോടിയുടെ കുഴല്പ്പണം ഇവരുടെ പക്കലുണ്ടായിരുന്നു.
സംഘത്തിലെ മറ്റുള്ളവര് വടക്കന് കേരളത്തില് തന്നെയുണ്ടെന്ന് പൊലീസ് ചോദ്യംചെയ്യലില് പ്രതികള് വെളിപ്പെടുത്തതി. ഇവരെ കണ്ടെത്താനുള്ള അന്വേഷണം തുടങ്ങിയതായും തലശ്ശേരി ഡിവൈഎസ്പി അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam