ഇന്ധന വിലവര്‍ധന; വ്യത്യസ്ത പ്രതിഷേധവുമായി യുഡിഎഫ്

ഇന്ധന വിലവര്‍ധനവിനെതിരെ യുഡിഎഫിന്‍റെ പ്രതിഷേധം കാളവണ്ടികളിലും സൈക്കിളിലും പ്രതിഷേധം

തിരുവനന്തപുരം:ഇന്ധനവില വർധനക്കെതിരെ യുഡിഎഫിന്‍റെ വ്യത്യസ്ത പ്രതിഷേധം. കാളവണ്ടികളിലും സൈക്കിളുകളിലുമായി രാജ്ഭവനിലേക്ക് മാർച്ച് സംഘടിപ്പിച്ചായിരുന്നു പ്രതിഷേധം. മൂന്ന് കാളവണ്ടികള്‍ക്ക് പിന്നാലെ നേതാക്കളുമെത്തി. പ്രതിപക്ഷ നേതാവും കെപിസിസി പ്രസിഡന്‍റും എം.എം ഹസനും ശശി തരൂര്‍ എംപിയും കാളവണ്ടിയില്‍ കയറിയതോടെ പ്രതിഷേധം ആവേശത്തിലായി. കേന്ദ്ര  സംസ്ഥാന സർക്കാരുകൾ പരസ്പാരം പഴിചാരി ഇന്ധന വില വര്‍ധനവിന്‍റെ മറവില്‍ നികുതി കൊള്ള നടത്തുകയാണെന്ന് നേതാക്കൾ ആരോപിച്ചു. തിരുവനന്തപുരം മ്യൂസിയം ജംക്ഷൻ മുതൽ രാജ്ഭവൻ വരെയായിരുന്നു കാളവണ്ടിയാത്ര.