ആധാര് പരിശോധനയ്ക്ക് ഇനി മുഖം തിരിച്ചറിയാനുള്ള സംവിധാനവും
Synopsis
ദില്ലി: ആധാർ വെരിഫേക്കഷൻ നടത്താൻ ഫേസ് റെകഗ്നിഷൻ സംവിധാനവുമായി (മുഖം തിരിച്ചറിയാനുള്ള സംവിധാനം) യുനീക് ഐഡന്റിഫിക്കേഷന് അതോരിറ്റി. നിലവില് വിരലടയാളോ അല്ലെങ്കില് കണ്ണിന്റെ കൃഷ്ണമണിയുടെ ചിത്രം (ഐറിസ് ഇമേജ്) ഉപയോഗിച്ചോ ആണ് ആധാറിന്റെ സ്ഥിരീകരണം നടത്തുന്നത്. ഇതിനോടൊപ്പം മുഖം കൂടി തിരിച്ചറിയാനുള്ള സംവിധാനമാണ് ഏര്പ്പെടുത്തുന്നത്. ജൂലൈ ഒന്നു മുതല് ഈ സംവിധാനം നിലവില് വരും. ആധാര് വിവരശേഖരണത്തിനോടൊപ്പം വ്യക്തികളുടെ ഫോട്ടോ കൂടി ശേഖരിച്ചിട്ടുള്ളതിനാല് പൊതുജനങ്ങള് ഇതിലേക്ക് വീണ്ടും വിവരം നല്കേണ്ടതില്ല. എന്നാല് വിരലടയാളോ വണ് ടൈം പാസ്വേഡോ പോലുള്ള മറ്റൊരു തിരിച്ചറിയല് സംവിധാനത്തിനൊപ്പം മാത്രമേ ഫേസ് റെകഗ്നിഷനും ഉപയോഗിക്കൂ എന്നും യുനീക് ഐഡന്റിഫിക്കേഷന് അതോരിറ്റി അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam