മൂന്ന് വയസുകാരിയെ പീഡിപ്പിച്ച് പെട്ടിയില്‍ പൂട്ടിയിട്ടു

യുപിയില്‍ മൂന്ന് വയസുകാരിയെ പീഡിപ്പിച്ച് പെട്ടിയില്‍ പൂട്ടിയിട്ടു

റാംപുര്‍: യുപിയില്‍ മൂന്ന് വയസുകാരിയെ ലൈംഗിക പീഡനത്തിനിരയാക്കി പെട്ടിക്കുള്ളില്‍ പൂട്ടിയിട്ടു. അയല്‍വാസിയായ 18കാരനാണ് കൃത്യം നടത്തിയതെന്ന് കണ്ടെത്തി. ഉത്തര്‍പ്രദേശിലെ റാംപുരില്‍ ടാന്‍ഡ നഗരത്തിലാണ് സംഭവം.   ഏപ്രില്‍ രണ്ടിനാണ് സംഭവം നടന്നത്.  മാതാപിതാക്കള്‍ പുറത്തുപോയ സമയത്ത് കുട്ടി വീട്ടില്‍ തനിച്ചായിരുന്നു.  

ഈ സമയം കുട്ടിക്ക് ചോക്ലേറ്റ് നല്‍കി പ്രലോഭിപ്പിച്ച് വീട്ടിലേക്ക് കൂട്ടിക്കൊണ്ടുപോയി. പീഡനത്തിനരയായ പെണ്‍കുട്ടി കരഞ്ഞു നിലവിളിച്ചു. പേടിച്ച യുവാവ് പെണ്‍കുട്ടിയെ പെട്ടിയിലടച്ചു കടക്കുകയായിരുന്നു. നാട്ടുകാരാണ് പെണ്‍കുട്ടിയെ രക്ഷപ്പെടുത്തിയത്. പ്രതിയെ അറസ്റ്റ് ചെയ്ത പൊലീസ് പോസ്കോ ആക്ട് പ്രകാരം കേസെടുത്തു.