പശുവിന്റെ കൊലപാതകം മൂന്ന് സംസ്ഥാനങ്ങൾക്കെതിരെ കോടതി അലക്ഷ്യ നടപടി

ദില്ലി: ഗോ സംരക്ഷണത്തിന്‍റെ പേരിലുള്ള ആക്രമണങ്ങളിൽ മൂന്ന് സംസ്ഥാനങ്ങൾക്ക് സുപ്രീം കോടതി കോടതിയലക്ഷ്യ നോട്ടീസ് അയച്ചു .  രാജസ്ഥാൻ ,ഹരിയാന  , ഉത്തർപ്രദേശ് സംസ്ഥാനങ്ങൾക്കാണ്  സുപ്രീം കോടതി നോട്ടീസ് അയച്ചത് ,സെപ്റ്റംബർ മൂന്നിനകം കൃത്യമായ മറുപടി നൽകാൻ കോടതി ചീഫ് സെക്രട്ടറി മാർക്ക് നിർദ്ദേശം നൽകി .  സാമൂഹ്യപ്രവർത്തകൻ തുഷാർ ഗാന്ധി നൽകിയ ഹർജിയിലാണ് കോടതി നടപടി. കഴിഞ്ഞ സെപ്റ്റംബറിൽ തുഷാർ ഗാന്ധി നൽകിയ ഹർജിയെ തുടർന്ന് ഗോസംരക്ഷണത്തിന്‍റെ പേരിലുള്ള ആക്രമങ്ങൾ തടയാൻ 26 സംസ്ഥാനങ്ങൾക്ക് കോടതി  നിർദ്ദേശം നൽകിയിരുന്നു. ഇതിൽ വീഴ്ച വരുത്തിയതിനാണ് മൂന്ന് സംസ്ഥാനങ്ങൾക്ക് എതിരെ കോടതിയലക്ഷ്യത്തിന് നോട്ടീസ് നൽകിയത്