ആണവപരീക്ഷണം: ഉത്തരകൊറിയ കനത്ത വില നല്കേണ്ടിവരുമെന്ന് അമേരിക്ക
Synopsis
ഉത്തരകൊറിയ ഉയര്ത്തുന്ന ആണവ ഭീഷണി നേരിടാന് മേഖലയില് ദക്ഷിണകൊറിയയും ജപ്പാനും കൂടുതല് കരുതല് പാലിക്കണമെന്ന് ഡോണള്ഡ് ട്രംപ് വ്യക്തമാക്കിയതിന് പിന്നാലെയാണ് മുന്നറിയിപ്പുമായി ജെയിംസ് മാറ്റിസ് രംഗത്തെത്തിയത്. അടിയ്ക്കടി മിസൈല് പരീക്ഷണവും ആണവ പരീക്ഷണവും നടത്തുന്ന ഉത്തരകൊറിയന് നിലപാട് അംഗീകരിക്കാനാവില്ലെന്ന് യുഎസ് പ്രതിരോധ സെക്രട്ടറി വ്യക്തമാക്കി.
ആണവ ശക്തിയുടെ പിന്ബലത്തില് അമേരിക്കയേയോ സഖ്യരാജ്യങ്ങളേയോ ആക്രമിക്കാന് തുനിഞ്ഞാല് അതിന് ഉത്തരകൊറിയ കനത്ത വില നല്കേണ്ടി വരുമെന്നും അദ്ദേഹം പറഞ്ഞു. മേഖലയെ ആണവ ഭീഷണിയില് നിന്നും മുക്തമാക്കാന് കടുത്ത നടപടിയ്ക്ക് അമേരിക്ക മടിയ്ക്കില്ലെന്നും മാറ്റിസ് വ്യക്തമാക്കി.
രണ്ട് ദിവസത്തെ സന്ദര്ശനത്തിനായി സിയോളിലെത്തിയ മാറ്റിസ് ദക്ഷിണകൊറിയന് പ്രതിരോധമന്ത്രി ഹാന് മിന് കൂവുമായി ചര്ച്ച നടത്തി.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam