എം വെങ്കയ്യ നായിഡു ഉപരാഷ്ട്രപതിയായി ഇന്ന് സത്യപ്രതിജ്ഞ ചെയ്യും. രാവിലെ പത്ത് മണിക്ക് രാഷ്ട്രപതി ഭവനിൽ രാഷ്ട്രപതി രാംനാഥ് കോവിന്ദിന് മുമ്പാകെയാണ് സത്യപ്രതിജ്ഞ. കേന്ദ്ര ആഭ്യന്തരസെക്രട്ടറി വിജ്ഞാപനം വായിക്കും. ഇതിന് ശേഷമാണ് സത്യപ്രതിജ്ഞ നടക്കുക. തുടര്ന്ന് രാവിലെ പതിനൊന്നിന് രാജ്യസഭയിലെത്തുന്ന വെങ്കയ്യ നായിഡു അധ്യക്ഷ പദവി ഏറ്റെടുക്കും. പ്രതിപക്ഷ സ്ഥാനാര്ത്ഥി ഗോപാൽ കൃഷ്ണ ഗാന്ധിയെ 244നെതിരെ 516 വോട്ടുകൾക്ക് തോൽപ്പിച്ചാണ് വെങ്കയ്യ നായിഡു ഇന്ത്യയുടെ പതിമൂന്നാം ഉപരാഷ്ട്രപതിയാകുന്നത്.