പ്രായപൂര്ത്തിയാകാത്ത കുട്ടികളെ പീഡിപ്പിച്ചു; പ്രിന്സിപ്പലിനെ വിദ്യാര്ത്ഥികള് ഒളിക്യാമറയില് കുടുക്കി
Synopsis
ഭോപ്പാല്: പ്രായപൂര്ത്തിയാകാത്ത കുട്ടികളെ പീഡിപ്പിച്ച പ്രിന്സിപ്പലിനെ വിദ്യാര്ത്ഥികള് ഒളിക്യാമറയില് കുടുക്കി. ഭോപ്പാലിലെ ഛത്തര്പൂര് ജില്ലയിലെ ഹര്പാല്പൂരിലാണ് സംഭവം. ഗംഗാപ്രസാദ് മിഡില് സ്കൂളിലെ പ്രധാന അധ്യാപകന് ശ്യാംകാന്ത് ശര്മയാണ് (48) കുട്ടികളുടെ ഒളിക്യാമറയില് കുടുങ്ങിയത്.
സ്കൂള് ഹോസ്റ്റലില് വച്ച് പ്രായപൂര്ത്തിയാകാത്ത ഒരു ആണ്കട്ടിയെയും പെണ്കുട്ടിയെയും ഇയാള് പീഡനത്തിനിരയാക്കുകയായിരുന്നു. ശര്മയുടെ ശല്യം സഹിക്കാനാവാതെ കുട്ടികള് വീഡിയോ പകര്ത്തുകയായിരുന്നു. ഇത് ഏതാനും ദിവസം മുന്പ് സാമൂഹ്യമാധ്യമങ്ങളില് പ്രചരിപ്പിക്കപ്പെട്ടു. ഇതിപ്പോള് വൈറലായിരിക്കുകയാണ്.
വീഡിയോ ശ്രദ്ധയില്പ്പെട്ട പൊലീസ് ശര്മയ്ക്കെതിരെ ലൈംഗിക പീഡനത്തിന് കേസെടുത്തു. പോക്സോ ഉള്പ്പെടെയുള്ള വകുപ്പുകള് ചേര്ത്താണ് കേസെടുത്തത്. ഒരു മാസം മുമ്പ് പകര്ത്തിയ വീഡിയോ ദൃശ്യങ്ങളാവാം ഇതെന്നാണ് പൊലീസ് പറയുന്നത്. ശ്യാംകാന്ത് ശര്മ കഴിഞ്ഞ 15 ദിവസമായി ഒളിവിലാണ്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam