വിമാനത്തിൽ ഓടിക്കയറാൻ ശ്രമിക്കുന്ന യാത്രക്കാരി; വീഡിയോ കാണാം

ഇന്തൊനീഷ്യയിലെ ബാലിയിലെ ​ഗുറാഹ്റായ് വിമാനത്താവളത്തിലാണ് സംഭവം. വൈകിയെത്തിയ ഹന എന്ന യാത്രക്കാരിയാണ് വിമാനത്തിൽ ഓടിക്കയറാനൊരുങ്ങിയത്. 

ബാലി: ബസിലും ഓട്ടോയിലും ട്രെയിനിലും ഓടിച്ചെന്ന് കയറുന്ന യാത്രക്കാരെ കണ്ടിട്ടുണ്ട്. എന്നാൽ പറന്നു പൊങ്ങാനൊരുങ്ങുന്ന വിമാനത്തിൽ ഓടിക്കയറാൻ ശ്രമിക്കുന്ന യാത്രക്കാരിയുടെ വീഡിയോയാണ് ട്വിറ്ററിലെ ഇപ്പോഴത്തെ ചർച്ചാ വിഷയം. ഇന്തൊനീഷ്യയിലെ ബാലിയിലെ ​ഗുറാഹ്റായ് വിമാനത്താവളത്തിലാണ് സംഭവം. വൈകിയെത്തിയ ഹന എന്ന യാത്രക്കാരിയാണ് വിമാനത്തിൽ ഓടിക്കയറാനൊരുങ്ങിയത്. 

ബാലിയിൽ നിന്ന് ജക്കാർത്തയിലേക്ക് പോകാൻ ഒരുങ്ങുകയായിരുന്നു ഹന. പേര് വിളിച്ചപ്പോഴൊന്നും ഇവർ എത്തിയിരുന്നില്ല. വിമാനം പുറപ്പെടുന്നതിനും പത്ത് മിനിറ്റ് മുമ്പാണ് വിമാനത്താവളത്തിലേക്ക് ഓടിക്കിതച്ച് വന്നത്. സെക്യൂരിറ്റി ഉദ്യോ​ഗസ്ഥർ ഇവരെ തടയുന്നതും വീഡിയോയിൽ കാണാൻ സാധിക്കും.