ക്യാൻസർ രോ​ഗിയായ സഹോദരിക്ക് ഐക്യദാർഢ്യം; തലയും പുരികവും ഷേവ് ചെയ്ത് യുവതി, ഹൃദയസ്പർശിയായ വീഡിയോ

വീഡിയോ പുറത്തുവന്നതിന് പിന്നാലെ നിരവധി പേരാണ് സഹോദരിമാരെ അഭിനന്ദിച്ചുകൊണ്ട് രംഗത്തെത്തിയിരിക്കുന്നത്.

സമൂഹമാധ്യമങ്ങൾ വ്യാപകമായതോടെ ഹൃദയസ്പർശിയായ നിരവധി വീഡിയോകളാണ് ഓരോ ദിവസവും പ്രത്യക്ഷപ്പെടുന്നത്. ഇവ പലപ്പോഴും മറ്റുള്ളവരുടെ കണ്ണിനെ ഈറനണിയിക്കാറുമുണ്ട്. അത്തരത്തിലൊരു വീഡിയോ ആണ് ഇപ്പോൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നത്. ക്യാൻസർ രോ​ഗിയായ സഹോദരിക്ക് ഐക്യദാർഢ്യം പ്രഖ്യാപിച്ചുകൊണ്ട് തലയും പുരികവും ഷേവ് ചെയ്ത യുവതിയുടെ വീഡിയോ ആണിത്.

രോ​ഗിയായ സഹോദരിക്കൊപ്പം നിൽകുന്ന ട്രിൽ കാമി എന്ന യുവതി പുരികം ഷേവ് ചെയ്യുന്നത് വീഡിയോയിൽ കാണാം. ഇത് കണ്ടു നിന്ന സഹോദരി പെട്ടെന്ന് കരയുന്നതും അവരെ ആശ്വസിപ്പിക്കുന്ന കാമിയെയും വീഡിയോയിൽ ദൃശ്യമാണ്. കാമി തന്നെയാണ് ഇതിന്റെ വീഡിയോ ഇൻസ്റ്റാ​ഗ്രാമിൽ പങ്കുവച്ചിരിക്കുന്നത്. 

സംഭവത്തിന്റെ വീഡിയോ പുറത്തുവന്നതിന് പിന്നാലെ നിരവധി പേരാണ് സഹോദരിമാരെ അഭിനന്ദിച്ചുകൊണ്ട് രംഗത്തെത്തിയിരിക്കുന്നത്.