മദ്യമാണെന്ന് തെറ്റിദ്ധരിച്ച് ആസിഡ് കുടിച്ചു; 55കാരന് ദാരുണാന്ത്യം
Synopsis
ഇയാള് നേരത്തെ മദ്യപിച്ച് ലക്കുകെട്ടിരുന്നു. വീണ്ടും മദ്യപിക്കുന്നതിനായി എടുത്ത കുപ്പി മാറിപ്പോയി. ആസിഡ് നിറച്ച കുപ്പിയെടുത്ത് കുടിച്ച ഇയാള് സംഭവ സ്ഥലത്തുവെച്ചുതന്നെ മരിച്ചെന്ന് പൊലീസ് പറഞ്ഞു.
ഖൊവൈ(ത്രിപുര): മദ്യമാണെന്ന് (Liquor) തെറ്റിദ്ധരിച്ച് ആസിഡ് (Acid) കുടിച്ച 55കാരന് മരിച്ചു. ത്രിപുര ഖൊവൈ ജില്ലയിലെ ലങ്കാപുര ഗ്രാമത്തിലാണ് സംഭവം. കാര്ത്തിക് മോഹന് ദെബ്ബര്മ എന്നയാളാണ് മരിച്ചത്. ഇയാള് നേരത്തെ മദ്യപിച്ച് ലക്കുകെട്ടിരുന്നു. വീണ്ടും മദ്യപിക്കുന്നതിനായി എടുത്ത കുപ്പി മാറിപ്പോയി. ആസിഡ് നിറച്ച കുപ്പിയെടുത്ത് കുടിച്ച ഇയാള് സംഭവ സ്ഥലത്തുവെച്ചുതന്നെ മരിച്ചെന്ന് പൊലീസ് പറഞ്ഞു.
വെള്ളിയാഴ്ച രാത്രിയാണ് സംഭവം. ഇയാള് സ്ഥിരം മദ്യപാനിയായിരുന്നു. സംഭവ ദിവസവും സമീപത്തെ മദ്യഷോപ്പില് പോയി മദ്യപിച്ച് വീട്ടിലെത്തി ഉറങ്ങി. അര്ധരാത്രിയായപ്പോള് എണീറ്റ് വീണ്ടും കുടിക്കുന്നതിനായി ബോട്ടിലെടുത്തു. എന്നാല് മദ്യത്തിന് പകരം ആസിഡ് സൂക്ഷിച്ച കുപ്പിയാണ് എടുത്തത്. റബ്ബര് കൃഷിയുടെ ആവശ്യത്തിനായി കൊണ്ടുവന്ന ആസിഡാണ് കുടിച്ചത്. ബോധരഹിതനായി വീണ ഇയാളെ വീട്ടുകാര് ആശുപത്രിയിലെത്തിച്ചപ്പോഴേക്കും മരിച്ചിരുന്നു.
മൂന്ന് കിലോയിലധികം കഞ്ചാവുമായി യുവാവ് പൊലീസ് പിടിയില്
കോഴിക്കോട്: മൂന്ന് കിലോയിലധികം കഞ്ചാവുമായി യുവാവിനെ കൊടുവള്ളി പൊലിസ് പിടികൂടി. പന്നൂരില് വാടക വീട്ടില് താമസിക്കുന്ന പന്നിക്കോട്ടൂര് വൈലാങ്കര സഫ്ദര് ഹാശ്മി (29) ആണ് ശനിയാഴ്ച പിടിയിലായത്. 3.270 കിലോഗ്രാം കഞ്ചാവ് ഇയാളില് നിന്ന് പിടിച്ചെടുത്തു. റൂറല് എസ്പി എ. ശ്രീനിവാസിന് ലഭിച്ച രഹസ്യവിവരത്തെ തുടര്ന്ന് എസ്ഐ സി കെ റസാക്കിന്റെ നേതൃത്വത്തില് നടത്തിയ പരിശോധനയിലാണ് പ്രതിയെ പിടികൂടിയത്. 55 കിലോ കഞ്ചാവ് കടത്തിയ കേസില് മഞ്ചേരിയില് ഇയാള്ക്കെതിരെ കേസുണ്ടെന്ന് പൊലീസ് പറഞ്ഞു. എസ്ഐമാരായ രാജീവ്ബാബു, വി കെ സുരേഷ്, എഎസ്ഐ സജീവന്, എസ്സിപിഒ ലിനീഷ് എന്നിവരും പൊലീസ് സംഘത്തിലുണ്ടായിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Viral News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Latest Malayalam News എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam