'കെസിആറിനോട് പറഞ്ഞ് സസ്പെന്ഡ് ചെയ്യിക്കും'; ട്രാഫിക് പൊലീസുകാരനെ ഭീഷണിപ്പെടുത്തി എംഎല്എയുടെ ഭാര്യ
Synopsis
നടപടി സ്വീകരിക്കാനൊരുങ്ങിയ പൊലീസുകാരോട് എംഎല്എയുടെ ഭാര്യ തട്ടിക്കയറുകയായിരുന്നു.
ഹൈദരാബാദ്: നിയമം തെറ്റിച്ച എംഎല്എയുടെ മകനെതിരെ നടപടിക്കൊരുങ്ങിയ ട്രാഫിക് പൊലീസുകാരനെ ഭീഷണിപ്പെടുത്തി എംഎല്എയുടെ ഭാര്യ. ഹൈദരാബാദിലാണ് സംഭവം. വൈഎസ്ആര് കോണ്ഗ്രസ് പാര്ട്ടിയുടെ എംഎല്എ സമിനേനി ഉദയ്ഭാനുവിന്റെ മകന് സമിനേനി പ്രസാദാണ് ഹൈദരാബാദിലെ മാതാപൂരില് ട്രാഫിക് നിയമങ്ങള് ലംഘിച്ചത്.
നടപടി സ്വീകരിക്കാന് ഒരുങ്ങിയതോടെ എംഎല്എയുടെ ഭാര്യ പൊലീസുകാരെ ഭീഷണിപ്പെടുത്തുകയായിരുന്നു. ഇതിന്റെ ദൃശ്യങ്ങള് പുറത്തുവന്നു. എംഎല്എയുടെ ഭാര്യയും മകനും മരുമകളുമാണ് ദൃശ്യങ്ങളിലുള്ളത്.
എംഎല്എയുടെ ഭാര്യ പോലീസുകാരനെ ഭീഷണിപ്പെടുത്തുന്നതും തെലുങ്കാന മുഖ്യമന്ത്രി കെ ചന്ദ്രശേഖര് റാവുവിനോട് പറഞ്ഞ് പൊലീസുകാരനെ സസ്പെന്ഡ് ചെയ്യിക്കുമെന്നു പറയുന്നതും ദൃശ്യങ്ങളില് കാണാം. വീഡിയോ സോഷ്യല് മീഡിയയില് വൈറലാണ്. ആന്ധ്രാ പ്രദേശില് നിന്നുള്ള വൈഎസ്ആര് കോണ്ഗ്രസ് പാര്ട്ടിയുടെ എംഎല്എയാണ് സമിനേനി ഉദയ്ഭാനു.
ഇന്ത്യയിലെയും ലോകമെമ്പാടുമുള്ള എല്ലാ Viral News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Latest Malayalam News എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam