പ്രസം​ഗത്തിനിടെ ദാഹിച്ച് പത്മജ ചുന്ദ്രു, വെള്ളമെടുത്ത് നൽകി നിർമലാ സീതാരാമൻ; കൈയടിച്ച് വേദി 

കൈയടിച്ചാണ് ​വേദിയിലുള്ളവർ ധനമന്ത്രിയുടെ നടപടിയെ പ്രശംസിച്ചത്. പത്മജ ധനമന്ത്രിക്ക് നന്ദി പറഞ്ഞു. എൻഎസ്ഡിഎല്ലിന്റെ രജതജൂബിലി ആഘോഷത്തിനിടെയായിരുന്നു സംഭവം.

മുംബൈ: പ്രസം​ഗിക്കുന്നതിനിടെ വെള്ളം ആവശ്യപ്പെട്ട ഉദ്യോ​ഗസ്ഥക്ക് കുടിവെള്ളം എടുത്ത് നൽകി കേന്ദ്ര ധനകാര്യമന്ത്രി നിർമലാ സീതാരാമൻ. മുംബൈയിൽ ഒരു പരിപാടിക്കിടെയാണ് നാഷണൽ സെക്യൂരിറ്റീസ് ഡെപ്പോസിറ്ററി ലിമിറ്റഡിന്റെ (എൻഎസ്‌ഡിഎൽ) മാനേജിംഗ് ഡയറക്ടർ പത്മജ ചുന്ദ്രുവിന് ധനമന്ത്രി വെള്ളം നൽകിയത്. സംഭവത്തിന്റെ വീഡിയോ സോഷ്യൽമീഡിയയിൽ വൈറലായി. പ്രസം​ഗത്തിനിടെ ദാഹിച്ചതിനാൽ പത്മജ വെള്ളത്തിനായി ആംഗ്യം കാണിച്ചു. എന്നാൽ സംഘാടകരെ കാത്തുനിൽക്കാതെ ധനമന്ത്രി നിർമ്മല സീതാരാമൻ വേദിക്ക് കുറുകെ നടന്ന് പത്മജക്ക് വെള്ളം നൽകി.

കൈയടിച്ചാണ് ​വേദിയിലുള്ളവർ ധനമന്ത്രിയുടെ നടപടിയെ പ്രശംസിച്ചത്. പത്മജ ധനമന്ത്രിക്ക് നന്ദി പറഞ്ഞു. എൻഎസ്ഡിഎല്ലിന്റെ രജതജൂബിലി ആഘോഷത്തിനിടെയായിരുന്നു സംഭവം. ഹിന്ദിയിലും മറ്റ് പ്രാദേശിക ഭാഷകളിലും വിദ്യാർത്ഥികൾക്കായി എൻഎസ്‌ഡിഎല്ലിന്റെ നിക്ഷേപക ബോധവത്കരണ പരിപാടിയായ 'മാർക്കറ്റ് കാ ഏകലവ്യ' ധനമന്ത്രി നിർമ്മല സീതാരാമൻ ഉദ്ഘാടനം ചെയ്തു.