'ക്ലാസ് ഈസ് പെര്മനന്റ്'; അറുപതുകാരന്റെ ഫുട്ബോള് ജീവിതം വൈറല്
Synopsis
സമൂഹമാധ്യമങ്ങളില് തരംഗമായി 60കാരന്റെ ഫുട്ബോള് ജീവിതം
തിരുവനന്തപുരം: ലോകോത്തര താരങ്ങളെ ഓര്മ്മിപ്പിക്കുന്ന ഡ്രിബ്ലിംഗും സ്കില്ലും, യുവാക്കളെ വെല്ലുന്ന കായികക്ഷമത. സമൂഹമാധ്യമങ്ങളില് താരമായ ജെയിംസ് എന്ന അറുപതുകാരനെ കുറിച്ചാണ് ഈ വിവരണം. റഷ്യയില് ഫുട്ബോള് ലോകകപ്പ് പൊടിപൊടിക്കുമ്പോള് ഇങ്ങ് കേരളത്തില് സൂപ്പര്താരമാണ് പ്രായത്തെ വെല്ലുന്ന ഈ ഫുട്ബോള് മാന്ത്രികന്.
വയനാട് സ്വദേശിയായ ജെയിംസ് ട്രക്ക് ഡ്രൈവറാണ്. 1980കളില് ശ്രദ്ധേയമായിരുന്ന അമ്പലവയല് എഫ്സിയുടെ പ്രതിരോധതാരമായിരുന്നു. ഫുട്ബോള് കഴിഞ്ഞിട്ടേ ജെയിംസിന് മറ്റെന്തുമുള്ളൂ. എല്ലാ ദിവസവും യുവാക്കള്ക്കും കുട്ടികള്ക്കുമൊപ്പം ജെയിംസ് ഫുട്ബോള് കളിക്കും. മറ്റുള്ളവര് മൈതാനത്ത് എത്തും മുന്പേ ആശാന് പരിശീലനം തുടങ്ങിയിരിക്കും.
ആ കളിയഴക് കണ്ടാല് ആരും ആരാധകരായിപ്പോകും. ഇനിയുമേറെയുണ്ട് ഈ പ്രതിഭയുടെ പ്രത്യേകതകള്. കേരള ടൂറിസം ജെയിംസിന്റെ വീഡിയോ ഷെയര് ചെയ്തതോടെയാണ് ഫേസ്ബുക്കില് ഇദേഹത്തിന്റെ ഫുട്ബോള് പ്രേമം വൈറലായത്. പ്രായത്തെ വെല്ലുന്ന ഫുട്ബോള് മാന്ത്രികന്റെ കൂടുതല് വിശേഷങ്ങള് കാണാം...
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam