സമ്മതമില്ലാതെ പൂക്കള് പറിച്ച വൃദ്ധയെ മരുമകള് തല്ലിച്ചതച്ചു; വീഡിയോ
Synopsis
ചോദിക്കാതെ പൂക്കള് പറിച്ചതിനാണ് മര്ദ്ദനം വൃദ്ധയെ പൊലീസ് രക്ഷപ്പെടുത്തി സംഭവത്തിന്റെ വീഡിയോ വൈറല്
കൊല്ക്കത്ത: തന്റെ വീടിന് മുന്നിലെ പൂന്തോട്ടത്തില്നിന്ന് പൂക്കള് പറിച്ച വൃദ്ധയെ മരുമകള് തല്ലിച്ചതച്ചു. കൊല്ക്കത്തയിലെ ഗാരിയയിലാണ് സംഭവം. തന്റെ സമ്മതമില്ലാതെ പൂക്കള് പറിച്ചതിനാണ് മരുമകള് അതിക്രൂരമായി വൃദ്ധയെ ആക്രമിച്ചത്. സംഭവം കണ്ടുനിന്ന അയല്വാസി വീഡിയോ പകര്ത്തുകയും സോഷ്യല് മീഡിയയില് പോസ്റ്റ് ചെയ്യുകയും ചെയ്തതോടെയാണ് പുറം ലോകമറിഞ്ഞത്.
സ്വപ്ന പാല് എന്ന യുവതി 75 കാരിയായ ഭര്തൃമാതാവിന്റെ മുടിപിടിച്ച് വലിക്കുന്നതും മര്ദ്ദിക്കുന്നതും ഈ വീഡിയോയില് വ്യക്തമാണ്. മണിക്കൂറുകള്ക്കുള്ളില് പതിനായിരക്കണക്കിന് പേരാണ് വീഡിയോ ഷെയര് ചെയ്തത്. യുവതി അലറിക്കൊണ്ട് തുടര്ച്ചയായി മര്ദ്ദിക്കുകയായിരുന്നു.
അമ്നേഷ്യ ബാധിച്ച വൃദ്ധയെ മരുമകള് നിരന്തരം ഉപദ്രവിക്കാറുണ്ടെന്നും വൃദ്ധയുടെ ഭര്ത്താവ് വര്ഷങ്ങള്ക്ക് മുമ്പ് മരിച്ചതാണെന്നും കൊല്ക്കത്ത പൊലീസ് പറഞ്ഞു. വീഡിയോ ശ്രദ്ധയില്പ്പെട്ടതോടെ വൃദ്ധയെ രക്ഷപ്പെടുത്തിയ പൊലീസ് സ്വപ്നയെ അറസ്റ്റ് ചെയ്തു. പിന്നീട് ഇവരെ ജാമ്യത്തില് വിട്ടയച്ചതായും പൊലീസ് പറഞ്ഞു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam