അര്ജന്റീന ഇന്നു തോല്ക്കുമെന്ന് എന്എസ് മാധവന്
Synopsis
നോക്കൗട്ട് ഘട്ടത്തില് അര്ജന്റീന നിര്ണ്ണായക മത്സരത്തില് ഫ്രാന്സിനെ നേരിടുമ്പോള് പ്രവചനവുമായി എന്എസ് മാധവന്
മോസ്കോ: നോക്കൗട്ട് ഘട്ടത്തില് അര്ജന്റീന നിര്ണ്ണായക മത്സരത്തില് ഫ്രാന്സിനെ നേരിടുമ്പോള് പ്രവചനവുമായി എന്എസ് മാധവന്. അര്ജന്റീന ഇന്ന് ഫ്രാന്സിനോട് തോല്ക്കുമെന്നാണ് എഴുത്തുകാരന് എന്എസ് മാധവന്റെ പ്രവചനം. ലോകകപ്പും ഇത്തവണ ഫ്രാന്സ് നേടുമെന്ന് മാധവന് പ്രവചിക്കുന്നു. മലയാള മനോരമ പത്രത്തിന് വേണ്ടിയാണ് എന് എസ് മാധവന്റെ പ്രവചനം. ഇത്തവണ ഫൈനലില് ഫ്രാന്സ് സ്പെയിനിനെ തോല്പ്പിക്കുമെന്നാണ് എന്എസ് മാധവന് അഭിപ്രായപ്പെടുന്നത്.
ഉറുഗ്വായെ പോര്ച്ചുഗലും റഷ്യയെ സ്പെയിനും ഡെന്മാര്ക്കിനെതിരെ ക്രൊയേഷ്യയും ജയിക്കുമ്പോള് ബ്രസീല് മെക്സിക്കോയേയും ബെല്ജിയം ജപ്പാനെയും സ്വീഡന് സ്വിറ്റ്സര്ലന്ഡിനേയും കൊളംബിയ ഇംഗ്ലണ്ടിനെയും പ്രീക്വാര്ട്ടറില് തോല്പ്പിക്കുമെന്ന് എന്എസ് മാധവന് വിലയിരുത്തുന്നു. ക്വാര്ട്ടറില് ഫ്രാന്സ് പോര്ച്ചുഗലിനേയും സ്പെയിന് ക്രൊയേഷ്യയേയും ബ്രസീല് ബെല്ജിയത്തേയും കൊളംമ്പിയ സ്വീഡനേയും തോല്പ്പിക്കുമെന്നാണ് എന്എസ് മാധവന് പറയുന്നത്.
സെമിയില് ബ്രസീലിനെതിരെ ഫ്രാന്സിനും കൊളംബിയക്കെതിരെ സ്പെയിനും ജയിക്കുമെന്ന് എന്എസ് മാധവന് കണക്ക് കൂട്ടുന്നു. നരത്തെയും മനോരമ കിക്കോഫിന് വേണ്ടി എന് എസ് മാധവന് പ്രവചനം നടത്തിയിരുന്നു. പോളണ്ടും ജര്മ്മനിയും ഒഴികെ എന് എസ് മാധവന്റെ പ്രവചനം പോലെ തന്നെയാണ് ടീമുകള് രണ്ടാം റൗണ്ടിലെത്തിയത്. തന്റെ പ്രവചനം എന്എസ് മാധവന് ട്വീറ്റ് ചെയ്തിട്ടുമുണ്ട്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam