ഗവര്ണറുടെ തീരുമാനം വൈകുന്നു, കത്ത് നല്കിയെന്ന് യെദ്യൂരപ്പ
Synopsis
കര്ണാടകയില് സര്ക്കാര് രൂപീകരിക്കുമെന്ന് ബിജെപി പ്രഖ്യാപനം
ബെംഗളൂരു: സര്ക്കാര് രൂപീകരിക്കാനുള്ള ഭൂരിപക്ഷം അവകാശപ്പെട്ട് ബിജെപി നിയമസഭാകക്ഷി നേതാവ് യെദ്യൂരപ്പ ഗവര്ണറെ കണ്ടു. ഗവര്ണര്ക്ക് കത്ത് നല്കിയെന്ന് യെദ്യൂരപ്പ അവകാശപ്പെട്ടു. ഗവര്ണര് അനുകൂല തീരുമാനം അറിയിക്കാമെന്ന് അറിയിച്ചതായി യെദ്യൂരപ്പ മാധ്യമങ്ങളോട് പറഞ്ഞു. സത്യപ്രതിജ്ഞ എന്നുണ്ടാകുമെന്ന ചോദ്യത്തോട് യെദ്യൂരപ്പ പ്രതികരിച്ചില്ല.
കര്ണാടകയില് സര്ക്കാര് രൂപീകരിക്കുമെന്ന് ബിജെപി പ്രഖ്യാപനം. ജനം ആഗ്രഹിക്കുന്നത് അതാണെന്ന് പ്രകാശ് ജാവഡേക്കര് ബെംഗളൂരുവില് പാര്ട്ടി ആസ്ഥാനത്ത് നേരത്തെ മാധ്യമങ്ങളോട് പറഞ്ഞിരുന്നു. നിയമസഭാകക്ഷി യോഗത്തിനുശേഷം ഗവര്ണറെ കാണുമെന്നും കുറുക്കുവഴിയിലൂടെ അധികാരത്തിലെത്താനുള്ള കോണ്ഗ്രസ് ശ്രമം ജനാധിപത്യവിരുദ്ധമാണെന്നും അദ്ദേഹം പറഞ്ഞു. കോണ്ഗ്രസിലും ജെഡിഎസിലും പുതിയ സംഭവവികാസങ്ങളില് അസംതൃപ്തര് ഏറെ ഉണ്ടെന്നും ജാവഡേക്കര് വിശദമാക്കി.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam