പത്മനാഭസ്വാമി ക്ഷേത്രത്തില് പ്രവേശിക്കാന് യേശുദാസ് അപേക്ഷ നല്കി
Synopsis
തിരുവനന്തപുരം: ശ്രീപത്മാനാഭസ്വാമി ക്ഷേത്രത്തില് ദര്ശനം നടത്തുവാന് അനുവദിക്കണമെന്ന് ആവശ്യപ്പെട്ട് ഗായകന് കെ.ജെ യേശുദാസ് ക്ഷേത്രം അധികൃതര്ക്ക് അപേക്ഷ നല്കി. ക്ഷേത്രം എക്സിക്യൂട്ടീവ് ഓഫീസര് രതീശനാണ് പ്രത്യേക ദൂതന് വഴി യേശുദാസ് ശനിയാഴ്ച അപേക്ഷ സമര്പ്പിച്ചത്.
വിജയദശമി ദിവസമായ ഈ മാസം മുപ്പതിന് ദര്ശനം നടത്താന് അനുവദിക്കണമെന്നാണ് യേശുദാസ് അപേക്ഷയില് സൂചിപ്പിക്കുന്നത്. തിങ്കളാഴ്ച ചേരുന്ന ക്ഷേത്രം എക്സിക്യൂട്ടീവ് കമ്മിറ്റി ഇക്കാര്യത്തില് തീരുമാനമെടുക്കുമെന്ന് രതീശന് അറിയിച്ചു. ദര്ശനം അനുവദിക്കുന്ന കാര്യത്തില് ക്ഷേത്രം തന്ത്രിയുടെ അഭിപ്രായവും യോഗം തേടും.
സാധാരണയായി ഹിന്ദുമത വിശ്വാസികളെയാണ് ക്ഷേത്രത്തില് പ്രവേശിപ്പിക്കാറുള്ളത്. എന്നാല് വിദേശികളും മറ്റും ക്ഷേത്രത്തില് എക്സിക്യൂട്ടീവ് ഓഫീസറുടെ അനുവാദത്തോടെ പ്രവേശിക്കാറുണ്ട്. ഹൈന്ദവധര്മ്മം പിന്തുടരുന്നവരാണെന്ന സാക്ഷ്യപത്രം നല്കിയോ രാമകൃഷ്ണമിഷന്,ഹരേരാമ ഹരേകൃഷ്ണ തുടങ്ങിയ സംഘടനകളില് നിന്നുള്ള സാക്ഷ്യപത്രം സമര്പ്പിച്ചലോ ഇവിടെ പ്രവേശനം നേടാം. മൂകാംബികയിലും ശബരിമലയിലുമൊക്കെ യേശുദാസ് ദര്ശനം നടത്താറുണ്ട്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam