ഓക്സ്ഫോഡ് ഡിക്ഷ്ണറിയിലെ പുത്തന്‍ പദം 'യൂത്ത്ക്വേക്ക്'

ഓക്‌സഫോഡിന്റെ ഈ വര്‍ഷത്തെ വാക്കില്‍ യുവാക്കള്‍ക്ക് അഭിമാനിക്കാം. 2017 ലെ വാക്കായി തെരഞ്ഞെടുക്കപ്പെട്ടത് യുവാക്കളുടെ മുന്നേറ്റത്തെ സൂചിപ്പിക്കാന്‍ ഉപയോഗിക്കുന്ന യൂത്ത് ക്വേക്ക് എന്ന പദമാണ്. കഴിഞ്ഞ വര്‍ഷത്തെ അപേക്ഷിച്ച് 2017 ല്‍ ഈ പദത്തിന്റെ ഉപയോഗം 5 മടങ്ങ് വര്‍ദ്ധിച്ചതായാണ് ഓക്‌സ്‌ഫോഡിന്റെ കണ്ടെത്തല്‍. 

യുവാക്കളുടെ മുന്നേറ്റത്താല്‍ സാംസ്‌കാരിക, രാഷ്ട്രീയ സാമൂഹിക മേഖലയില്‍ മാറ്റങ്ങള്‍ ഉണ്ടാക്കുന്നതിനെ സൂചിപ്പിക്കുന്ന വാക്കാണ് യൂത്ത്‌ക്വേക്ക്. യുവാക്കള്‍ ഫാഷന്‍, സംഗീത മേഖലകളിലും യുവാക്കള്‍ കൊണ്ടുവന്ന മാറ്റത്തെ സൂചിപ്പിക്കാന്‍ 1965ല്‍ വോഗ് മാഗസിന്‍ എഡിറ്റര്‍ ഡയാന വ്രീലാന്റ് ആണ് ഈ പദം ആദ്യമായി ഉപയോഗിച്ചത്. 

മറ്റ് 8 വാക്കുകളെ പിന്തള്ളിയാണ് യൂത്ത്‌ക്വേക്ക് ഓക്‌സ്‌ഫോഡ് ഡിക്ഷ്ണറിയില്‍ ഇടം നേടിയത്. കഴിഞ്ഞ വര്‍ഷങ്ങളില്‍ ഓക്‌സ്‌ഫോഡില്‍ ഇടം നേടിയ വാക്കുകള്‍ ഇവയാണ്;
പോസ്റ്റ് ട്രൂത്ത് (2016), ഫേസ് വിത്ത് ടിയേഴ്‌സ് ഓഫ് ജോയ്(2015), വേപ് (2014), സെല്‍ഫി (2013) , ഒമ്‌നി ഷാംപിള്‍സ് (2012) , സ്വീസ്ഡ് മിഡിള്‍ (2011).