Olympics2016
റിയോ ഡി ജനെ്‌റൊ: ഇന്ത്യയുടെ ലക്ഷ്മിറാണി മാജി വനിതകളുടെ വ്യക്തിഗത അമ്പെയ്ത്തിന്റെ യോഗ്യതാ റൗണ്ടില്‍ പുറത്തായി. സ്ലോവാക്യയുടെ അലക്‌സാന്‍ഡ്ര ലോങ്‌ഗോവയോടാണ് ലക്ഷ്മിറാണി തോറ്റത് (1-7).
മൂന്നാം റൗണ്ടില്‍ മാത്രമാണ് ലക്ഷ്മിറാണിക്ക് അലക്‌സാന്‍ഡ്രയ്‌ക്കൊപ്പമെത്താനായത്(26-26).ഈ സെറ്റിലാണ് ഒരു പോയിന്റ് ലഭിച്ചതും. ആദ്യ സെറ്റില്‍ 27-25നും രണ്ടാം സെറ്റില്‍ 28-26നും നാലാം സെറ്റ് 27024നുമാണ് ലക്ഷ്മിക്ക് നഷ്ടമായത്. മൂന്നാമത്തെ സെറ്റിലെ മൂന്നാമത്തെ അമ്പില്‍ ലക്ഷ്മി പത്ത് പോയിന്റും ആറ് തവണ ഒന്‍പത് പോയിന്റും നേടി. അലക്‌സാന്‍ഡ്ര മൂന്ന് തവണ പത്ത് പോയിന്റ് നേടി.
ജാര്‍ഖണ്ഡ‍ിലെ ചിത്തരഞ്ജന്‍ സ്വദേശിയായ ലക്ഷ്മിറാണി 2015ലെ ലോക ആര്‍ച്ചറി ചാമ്പ്യന്‍ഷിപ്പില്‍ വെള്ളി മെഡല്‍ നേടിയതോടെ റിയോയിലെ ഇന്ത്യയുടെ മെഡല്‍ പ്രതീക്ഷയായി ഉയര്‍ന്നിരുന്നു. മെയില്‍ കോപ്പഹേഗനില്‍ നടന്ന ലോക ചാമ്പ്യന്‍ഷിപ്പില്‍ ക്വാര്‍ട്ടറിലെത്തിയാണ് മാജി റിയോ ഒളിംപിക്സിന് യോഗ്യത നേടിയത്.