റിയോയില്‍ മെഡല്‍ പ്രതീക്ഷയുണര്‍ത്തി സാനിയ-ബൊപ്പണ്ണ സഖ്യം സെമിയില്‍

നിശ്ചിത സമയത്തിനും മൂന്ന് മണിക്കൂര്‍ വൈകി തുടങ്ങിയ മത്സരത്തില്‍ ഇന്ത്യന്‍ സഖ്യത്തിന് പോരാട്ടം കടുപ്പമായിരുന്നു. ആന്‍ഡി മറെ-ഹെതര്‍ വാട്സണ്‍ സഖ്യം തുടക്കത്തില്‍ മികച്ചു നിന്നെങ്കിലും പെട്ടെന്ന് തന്നെ ഇന്ത്യന്‍ ജോഡി മകിവിലേക്കുയര്‍ന്നു. സാനിയയുടെ ഫോര്‍ഹാന്‍ഡുകള്‍ക്ക് പലപ്പോഴും മറുപടി നല്‍കാന്‍ ബ്രിട്ടീഷ് ജോഡിക്കായില്ല. ആദ്യ സെറ്റ് 6:4ന് ഇന്ത്യക്ക് സ്വന്തമായി

സിംഗിള്‍സ് മത്സരത്തിന് ശേഷമെത്തിയ  ആന്‍ഡി മറെ രണ്ടാം സെറ്റില്‍ ക്ഷീണിതനായി. മറെയുടെ സര്‍വീസ് ബ്രേക്ക് ചെയ്ത് ഇന്ത്യ 3:2ന് മുന്നിലെത്തി. ആ മുന്‍തൂക്കം ഇന്ത്യന്‍  കൂട്ടുകെട്ട് കൈവിട്ടില്ല.  6:4ന് രണ്ടാം സറ്റും ഒപ്പം മത്സരവും കൈപ്പിടിയിലാക്കി. ഇന്ന് രാത്രി 11.30ന് നടക്കുന്ന സെമിയില്‍ കൂടി ജയിക്കാനായാല്‍ റിയോയില്‍ ഇന്ത്യ കാത്തിരിക്കുന്ന മെഡലായി മാറും അത്‍. ബൊപ്പണ്ണക്കൊപ്പം ചേര്‍ന്ന് ഇന്ത്യന്‍ ടെന്നിസ് ഇതിഹാസത്തിന് അതിന് കഴിയുമെന്ന പ്രതീക്ഷയിലാണ് രാജ്യം.