ജോക്കോവിച്ചിന് യുഎസ് ഓപ്പൺ കിരീടം, മാർ​ഗരറ്റ് കോർട്ടിന്റെ റെക്കോർഡിനൊപ്പം   

ഇതോടെ 24 ​ഗ്രാൻഡ് സ്ലാം കിരീടമെന്ന മാർഗരറ്റ് കോർട്ടിന്‍റെ റെക്കോർഡിന് ഒപ്പമെത്താനും സെർബിയൻ താരത്തിന് സാധിച്ചു.

ന്യൂയോർക്ക്: യുഎസ് ഓപ്പൺ ടെന്നീസിൽ നൊവാക് ജോക്കോവിച്ചിന് കിരീടം. ഫൈനലിൽ ദാനിൽ മെദ്‍വദേവിനെ തോൽപ്പിച്ചാണ് സെർബിയൻ താരം കിരീടം സ്വന്തമാക്കിയത്. എതിരില്ലാത്ത മൂന്ന് സെറ്റുകൾക്കായിരുന്നു ജോക്കോയുടെ വിജയം. ജോക്കോവിച്ചിന്‍റെ 24-ാം ഗ്രാൻഡ് സ്ലാം കിരീട നേട്ടമായിരുന്നു സ്വന്തമാക്കിയത്. ഇതോടെ 24 ​ഗ്രാൻഡ് സ്ലാം കിരീടമെന്ന മാർഗരറ്റ് കോർട്ടിന്‍റെ റെക്കോർഡിന് ഒപ്പമെത്താനും സെർബിയൻ താരത്തിന് സാധിച്ചു.  6-3, 7-6, 6 -3 എന്ന സ്കോറിനായിരുന്നു ജോക്കോവിച്ചിന്റെ വിജയം. ഏറ്റവും കൂടുതൽ ​ഗ്രാൻഡ് സ്ലാം കിരീടം നേടിയ പുരുഷ താരമെന്ന റെക്കോർഡ് ഇനി ജോക്കോവിച്ചിന് സ്വന്തമാണ്. യുഎസ് ഓപ്പൺ നേടുന്ന ഏറ്റവും പ്രായം കൂടിയ താരവും ജോക്കോയായി മാറി.