എമിറേറ്റ്സ് ഡ്രോ: ഈസി6 ഗ്രാൻഡ് പ്രൈസ് 4 മില്യൺ ഡോളർ നേടിയത് 26 വയസ്സുകാരൻ മലയാളി

കേരളത്തിൽ നിന്നുള്ള 26 വയസ്സുകാരൻ മെൽവിൻ ഫ്രാൻസിസ് എന്ന അക്കൗണ്ടന്റാണ് 4 മില്യൺ ഡോളർ ഈസി6 ഗ്രാൻഡ് പ്രൈസ് നേടിയത്. മെൽവിൻ വാങ്ങിയ 11-ൽ അഞ്ച് ടിക്കറ്റുകൾ സമ്മാനം നേടി. എല്ലാ പ്രൈസ് ടിയറിലും സമ്മാനം നേടുന്ന ആദ്യത്തെ വിജയി. 9 ഗ്രാൻഡ് പ്രൈസ് വിജയികളിൽ ഏറ്റവും പ്രായം കുറഞ്ഞ വ്യക്തി. മെൽവിൻ ഇനി ലക്ഷ്യമിടുന്നത് സ്വന്തം ചെലവിൽ യു.എസ് സി.പി.എ യോഗ്യത

മലയാളിയായ മെൽവിൻ ഫ്രാൻസിസിനെ 4 മില്യൺ ഡോളർ വിജയിയാക്കിയ ഫോൺകോൾ എത്തിയ ജോലിക്കിടയിലെ ഇടവേള നേരത്തായിരുന്നു. ഫോണിൽ ആരാണെന്ന് തൊട്ടടുത്തിരുന്ന സഹപ്രവർത്തക ചോദിച്ചു. കോൾ പ്രധാനപ്പെട്ടതാണെന്ന് മാത്രം മെൽവിൽ പറഞ്ഞു. കൂടുതലൊന്നും പറഞ്ഞില്ല.

“ഞാൻ ഒച്ച വച്ചിരുന്നെങ്കിൽ എല്ലാവരും അറിഞ്ഞേനേ, വലിയൊരു കാര്യം സംഭവിച്ചെന്ന്. അതുകൊണ്ട് ഞാൻ പിടിച്ചുനിന്നു.”

എമിറേറ്റ്സ് ഡ്രോ ചരിത്രത്തിലും ഒരു പുതുമയാണ് മെൽവിന്റെ വിജയത്തോടെ സംഭവിച്ചത്. ഓഗസ്റ്റ് 21-ന് മെൽവിൻ 11 ഈസി6 ടിക്കറ്റുകൾ വാങ്ങി. അതിൽ അഞ്ചെണ്ണം സമ്മാനം നേടി. ഒരുമിച്ച് ആ ടിക്കറ്റുകൾ നേടിയത് ആ ഗെയിമിന്റെ ടിയറിലെ എല്ലാ സമ്മാനങ്ങളും. 26 വയസ്സിൽ മെൽവിൻ സ്വന്തമാക്കിയത്, ഈസി6 ചരിത്രത്തിലെ ഒൻപത് ഗ്രാൻഡ് പ്രൈസ് വിജയികളിൽ ഏറ്റവും പ്രായം കുറഞ്ഞ വിജയി എന്ന റെക്കോർഡ്.

“എമിറേറ്റ്സ് ഡ്രോ ചരിത്രത്തിൽ ആദ്യമായി ഞാൻ ഈസി6 എല്ലാ പ്രൈസ് ടിയറുകളിലുമായി അഞ്ച് സമ്മാനങ്ങൾ നേടി. അതും ഒരേ ദിവസം. അതിൽ ഗ്രാൻഡ് പ്രൈസും”

ഒരു ഇന്ത്യൻ കുടുംബത്തിൽ വളർന്ന എല്ലാവർക്കും മെൽവിൻ എന്തുകൊണ്ടാണ് ഇത്ര വലിയ സമ്മാനം നേടിയിട്ടും മിണ്ടാതിരുന്നതെന്ന് മനസ്സിലാകും. വീട്ടിലായാലും വിദേശത്തായാലും ഒരു മൂല്യങ്ങളാണ് ഇന്ത്യക്കാർ ശീലിക്കുന്നത്. മുതിർന്നവരെ ബഹുമാനിക്കുക, അവർ പറയുന്നത് കേൾക്കുക, വിദ്യാഭ്യാസം പൂർത്തിയാക്കുക, സമൂഹത്തിനും കുടുംബത്തിനും സ്വീകാര്യമായത് ചെയ്യുക. കൂടുതൽ പേരും അത് സ്നേഹത്തിന്റെ പേരിൽ ചെയ്യുന്നു, മറ്റു ചിലർക്ക് അതൊരു ബാധ്യതയാണ്. എന്തു തന്നെയാണ് അവസ്ഥയെങ്കിലും അവരിൽ കൂടുതൽ പേർക്കും സ്വകാര്യമായ ആഗ്രഹങ്ങൾ ബാക്കിയാണ്.

മെൽവിൻ ജനിച്ചത് കേരളത്തിലാണ്. പഠിച്ചത് ബെംഗലൂരുവിലും. സയൻസിൽ താൽപര്യമില്ലാത്തതുകൊണ്ട് മെൽവിൻ പഠിച്ചത് അക്കൗണ്ടിങ് ആണ്. പഠനത്തോടൊപ്പം ജോലി ചെയ്തതുകൊണ്ട് പഠിത്തം വൈകിയാണ് പൂർത്തിയാക്കിയത്. ആദ്യ ശമ്പളം മെൽവിൻ പൂർണമായും അച്ഛന് കൊടുത്തു. കുടുംബത്തിന്റെ മുഴുവൻ ബാധ്യതയും അച്ഛനാണ് വഹിച്ചിരുന്നത് എന്നതുതന്നെ കാരണം. യു.എസ് സി.എം.എ, ഓൺലൈൻ എം.ബി.എ ഒപ്പം യു.എസ് സി.പി.എയും മെൽവിന്റെ ലക്ഷ്യമായിരുന്നു. ഇതെല്ലാം പൂർത്തിയാക്കുന്നതിനൊപ്പം മുഴുവൻ സമയം ജോലിയും ജി.സി.സിയിലെ കുടുംബ ബിസിനസിലും പങ്കാളിയായി.

“എന്റെ അമ്മ എപ്പോഴും എന്നോട് പറയുമായിരുന്നു, 30 വയസ്സുവരെ കഠിനമായി ജോലി ചെയ്യണം. പിന്നീടുള്ള ആവശ്യങ്ങൾക്കായി പണം കരുതിവെക്കണം. ഇപ്പോൾ എനിക്ക് 26 വയസ്സായി, ഇനി ഞാൻ 30 വരെ കാത്തിരിക്കേണ്ട. എനിക്ക് പ്രൈസ് മണി കിട്ടിയല്ലോ.”

എമിറേറ്റ്സ് ഡ്രോയെക്കുറിച്ച് ഇൻസ്റ്റഗ്രാമിലൂടെയാണ് മെൽവിൻ ആദ്യം അറിഞ്ഞത്. 27 മില്യൺ ഡോളർ നേടിയ മെഗാ7 ശ്രീറാം ആർ., ഈസി6 വഴി 4 മില്യൺ ഡോളർ നേടിയ അജയ് ഒ. എന്നിവരുടെ അഭിമുഖങ്ങൾ കണ്ടു. ഈ വർഷം ജൂൺ 14-നാണ് ആദ്യമായി മെൽവിൻ മെഗാ7 ടിക്കറ്റ് എടുത്തത്. പിറന്നാളിന് ഒരാഴ്ച്ചയ്ക്ക് ശേഷമായിരുന്നു അത്. നാല് അക്കങ്ങൾ മാച്ച് ചെയ്തപ്പോൾ 14 ഡോളർ മെൽവിന് സമ്മാനം കിട്ടി.

പിന്നീട് മെൽവിൻ ഗ്രാൻഡ് പ്രൈസ് വിജയികളുടെ കൂടുതൽ അഭിമുഖങ്ങൾ കണ്ടു. വീക്കിലി ഡ്രോകൾ കൂടുതൽ കാര്യമായി പഠിച്ചു, അങ്ങനെ ഈസി6 തെരഞ്ഞെടുത്തു. റാൻഡമൈസർ ഓപ്ഷൻ ഉപയോഗിച്ചാണ് മെൽവിൻ നമ്പറുകൾ തെരഞ്ഞെടുത്തത്. രണ്ട് മാസത്തോളം ഓരോ വാരാന്ത്യവും ഈ രീതിയിൽ മെൽവിൻ കളി തുടർന്നു.

“റാൻഡമൈസർ ഐക്കൺ ഞാൻ ഞെക്കിക്കൊണ്ടേയിരിക്കും. എനിക്ക് ഇഷ്ടമുള്ള സെറ്റ് വരുമ്പോൾ നിർത്തും.”

ആദ്യമായി സമ്മാനം ലഭിച്ചത് ഈസി6 വഴി മെൽവിന് 8,333 ഡോളർ ലഭിച്ചപ്പോഴാണ്. അഞ്ച് നമ്പറുകളാണ് മാച്ച് ചെയ്തത്. 26 ഓഗസ്റ്റിന് കോൾ വന്നപ്പോൾ അതുകൊണ്ട് തന്നെ പ്രാങ്ക് ആയി മെൽവിന് തോന്നിയതേയില്ല. സെക്യൂരിറ്റി, ഐഡന്റിറ്റി പരിശോധനകൾക്ക് ശേഷമാണ് 4 മില്യൺ ഡോളർ എത്തിയത്. അതുകൊണ്ടാണ് ചെറിയ തുക ആദ്യം അക്കൗണ്ടിൽ വന്നത്.

“ഇപ്പോൾ ചിന്തിക്കുമ്പോൾ അത് എന്താണെന്ന് മനസ്സിലായി. അത് വിജയികളുടെ വിവരങ്ങൾ സംരക്ഷിക്കാനാണെന്ന് തിരിച്ചറിയുമ്പോൾ കൂടുതൽ അത് നല്ലതാണെന്ന് മനസ്സിലായി.”

മെൽവിന്റെ വീട്ടിൽ വളരെ ശ്രദ്ധയോടെയാണ് ഈ വാർത്ത എല്ലാവരും കേട്ടത്. അച്ഛനും സഹോദരിയുമാണ് ആദ്യം വാർത്ത കേട്ടത്. അച്ഛൻ നേരിട്ട് ടിക്കറ്റ് പരിശോധിച്ചു. സഹോദരി പറഞ്ഞത് ഒരേയൊരു കാര്യം:

“രണ്ടു തവണ ടിക്കറ്റ് പരിശോധിക്കൂ, നമ്പറുകൾ ഒന്നു തന്നെയാണെന്ന് നോക്കൂ, വാർത്ത യഥാർത്ഥമാണെന്ന് ഉറപ്പിക്കൂ.”

രണ്ട് പേരും ടിക്കറ്റ് യഥാർത്ഥമാണെന്ന് ഉറപ്പിച്ചതോടെ മെൽവിന്റെ ഊഴമായി. ഇനിയെന്ത് എന്ന ചോദ്യത്തിന് അച്ഛന്റെ ബിസിനസ് വ്യാപിപ്പിക്കാൻ സഹായം നൽകുക എന്നതാണ് മെൽവിൻ ആഗ്രഹിക്കുന്നത്. അതോടെ അദ്ദേഹത്തിന് നേരത്തെ റിട്ടയർ ചെയ്യാം. സമ്മാനം ഒരു റിവാർഡ് അല്ല, മറിച്ച് ഒരു ഉത്തരവാദിത്തമാണെന്നാണ് മെൽവിൻ കരുതുന്നത്.

“ഇതൊരു പുതിയതരം ഓൺർഷിപ്പാണ്. ഇത് കൃത്യമായി നിക്ഷേപിക്കാനാണ് ഞാൻ ആഗ്രഹിക്കുന്നത്.” – മെൽവിൻ പറയുന്നു.

സമ്മാനം ലഭിച്ചെങ്കിലും താൻ ഇതുവരെ ചെയ്തിരുന്ന പരിശ്രമങ്ങൾ മെൽവിൻ ഉപേക്ഷിക്കുന്നില്ല. എം.ബി.എ തീർക്കും, ജോലി തുടരും, യു.എസ് സി.പി.എ തീർക്കും, ഇതിനെല്ലാം ഇനി സ്വയം പണം കണ്ടെത്താനാകുമെന്ന് മെൽവിന് അറിയാം.

ഫാമിലി ബിസിനസിൽ സി.എഫ്.ഒ ആകാനാണോ ആഗ്രഹമെന്ന് ചോദിച്ചാൽ, എല്ലാ ഫിനാൻഷ്യൽ പ്രൊഫഷനലും ആഗ്രഹിക്കുന്നത് അതു തന്നെയല്ലേ എന്നാണ് മെൽവിൻ തിരിച്ചു ചോദിക്കുന്നത്.

യു.എസിലുള്ള കുടുംബത്തെ കാണണം, ലോകം കൂടുതൽ കാണണം. രണ്ടാമതൊന്ന് ആലോചിക്കാതെ പണം ചെലവാക്കാനാകണം – മെൽവിൻ പറയുന്നു. കൂടാതെ സഹോദരന്റെയും സഹോദരിയുടെയും വിവാഹത്തിനും സഹായിക്കണം. ഇനി 30 മില്യൺ ഡോളർ മെഗാ7 ഗ്രാൻഡ് പ്രൈസ് വിജയിക്കാനാണ് മെൽവിൻ ലക്ഷ്യമിടുന്നത്. അതിനായി ഇപ്പോഴേ ടിക്കറ്റ് എടുത്തു കഴിഞ്ഞു.

മുന്നോട്ടുള്ള ദിവസങ്ങൾ എങ്ങനെയാകുമെന്നും മെൽവിന് അറിയാം. “സത്യമായും, ഞാൻ മിണ്ടാതെ തന്നെ ഇരിക്കും. എന്തായാലും ആളുകൾ ഉടനെ അറിയും, പിന്നെ കോളുകളും വരും.”

ഇപ്പോഴും മെൽവിന്റെ അലാം രാവിലെ 6.30-ന് അടിക്കും. മെൽവിൻ പ്രാതൽ കഴിക്കും, ഓഫീസിൽ പോകും, ലഞ്ച് ബ്രേക്ക് അച്ഛനൊപ്പം ചെലവഴിക്കും... അദ്ദേഹമാണ് മെൽവിന് ഏറ്റവും നന്ദിയുള്ള മനുഷ്യൻ.

“ഞാൻ ഇവിടെ നിൽക്കാൻ കാരണം അച്ഛനാണ്.”